Edappal
എടപ്പാളിൽ ആളില്ലാത്ത വീടുകളിൽ മോഷണം പതിവാകുന്നു
എടപ്പാളിൽ ആളില്ലാത്ത വീടുകളിൽ മോഷണം പതിവാകുന്നു
എടപ്പാൾ: ആളില്ലാത്ത വീടുകളിൽ മോഷണം പതിവാകുന്നു. പൊൽപാക്കര മേഖലയിലാണ് സംഭവം. പൊൽപാക്കര മാണിക്കപ്പാലത്ത് താമസിക്കുന്ന മോയ്യാലത്ത് വളപ്പിൽ നജീബിൻ്റെ വീട്ടിലാണ് മോഷണം നടന്നത്. വീട്ടിൽ നിന്ന് സ്വർണാഭരണങ്ങളും പണവുമാണ് നഷ്ടപ്പെട്ടത്. മോഷണം നടക്കുന്നതിൻ്റെ രണ്ട് ദിവസം മുമ്പാണ് നജീബിന്റെ ഭാര്യ സ്വന്തം വീട്ടിലേക്ക് പോയത്. തിരിച്ച് ക്രിസ്മസ് ദിവസം വീട്ടിൽ എത്തിയപ്പോഴാണ് വാതിൽ കുത്തിപ്പൊളിച്ച്, അലമാരയിലെ വസ്ത്രങ്ങളും മറ്റുസാധനങ്ങളും എല്ലാം വലിച്ചുവാരിയിട്ട നിലയിൽ കണ്ടത്. മുമ്പും സമീപ പ്രദേശങ്ങളിലും ഇത്തരം മോഷണ ശ്രമങ്ങൾ നടന്നിട്ടുണ്ട്. പൊന്നാനി പോലീസ് കേസെടുത്തിട്ടുണ്ട്.