ലോകായുക്ത: പിണറായി മോഡിയുടെ കാർബൺ കോപ്പി :എപി അനിൽകുമാർ എംഎൽഎ
ലോകായുക്ത: പിണറായി മോഡിയുടെ കാർബൺ കോപ്പി :എപി അനിൽകുമാർ എംഎൽഎ
പൊന്നാനി:മടിയിൽ കനമുള്ളത് കൊണ്ടാണ് പിണറായി വിജയൻ ലോകായുക്തയെ ഇല്ലാതാക്കാൻ തുനിഞ്ഞിറങ്ങിയിരിക്കുന്നതെന്ന് എപി അനിൽകുമാർ എംഎൽഎ. അഴിമതി കണ്ടെത്തുന്ന മുഴുവൻ സംവിധാനങ്ങളെയും പിണറായി വിജയൻ ഭയപ്പെടുകയാണെന്നും അദ്ദേഹം അഭിപ്രായപ്പെട്ടു. പൊന്നാനിയിലെ കോൺഗ്രസ് സംഘടനാ സംവിധാനത്തിൽ കാലോചിതമായ മാറ്റങ്ങൾ അനിവാര്യമാണെന്നും അദ്ദേഹം പറഞ്ഞു.പ്രവാസി കോൺഗ്രസ് പൊന്നാനി നിയോജക മണ്ഡലം പ്രസിഡണ്ട് ആസാദ് ഇളയേടത്തിൻ്റെ സ്ഥാനാരോഹണ ചടങ്ങ് ഉത്ഘാടനം ചെയ്ത് സംസാരിക്കുകയായിരുന്നു അദ്ദേഹം. എം. രാമനാഥൻ അധ്യക്ഷത വഹിച്ചു.പഴയക്കാല പ്രവാസികളെ യുഡിഫ് ജില്ലാ ചയർമാൻ പി. ടി. അജയ്മോഹൻ ആദരിച്ചു. പ്രവാസി കോൺഗ്രസ് ജില്ല പ്രസിഡന്റ്‌ വി. എൻ. കുഞ്ഞാവ ഹാജി മുഖ്യ പ്രഭാഷണം നടത്തി. അഡ്വ. എ. എം. രോഹിത്, വി. സെയ്ദ് മുഹമ്മദ്‌ തങ്ങൾ, എം. വി. ശ്രീധരൻ മാസ്റ്റർ, ഹാരിസ് ബാബു ചാലിയാർ, ടി. കെ. അഷ്‌റഫ്‌, റിയാസ് പഴഞ്ഞി, പി. റംഷാദ്, പ്രണവം പ്രസാദ്, ഹക്കീം പേരുമുക്ക്, എം. അബ്ദുൽ ലത്തീഫ്, ടി. പി. കേരളീയൻ എന്നിവർ സംസാരിച്ചു. ആസാദ് ഇളയേടത്ത്‌ മറുപടി പ്രസംഗം നടത്തി.ഉസ്മാൻ തെയ്യങ്ങാട് സ്വാഗതവും, കെ. വി. ഖയ്യും നന്ദിയും പറഞ്ഞു.
