വാഷിങ് മെഷീനില്‍ കുടുങ്ങിയ മൂന്നു വയസ്സുകാരിക്ക് രക്ഷകരായി പോലീസ് സംഘം
വാഷിങ് മെഷീനില്‍ കുടുങ്ങിയ മൂന്നു വയസ്സുകാരിക്ക് രക്ഷകരായി പോലീസ് സംഘം
വാഷിങ് മെഷീനില്‍ കുടുങ്ങിയ മൂന്നു വയസ്സുകാരിക്ക് രക്ഷകനായി മണ്ണഞ്ചേരി സി.ഐ. രവി സന്തോഷ്. 17ാം വാര്‍ഡ് റിസാന മന്‍സിലില്‍ ഹാരിസ്- റിസാന ദമ്പതികളുടെ മകള്‍ ഐഷയാണ് കളിക്കുന്നതിനിടെ വാഷിങ് മെഷീനില്‍ കുടുങ്ങിയത്. മെഷീന്റെ ഡ്രയറിന്റെയുള്ളില്‍ കുടുങ്ങി കാലുകള്‍ മടങ്ങിയ നിലയിലായിരുന്നു കുട്ടി. പെട്ടെന്ന് തന്നെ മെഷീന്‍ ഭാഗങ്ങള്‍ അഴിച്ച്‌ മാറ്റി ഏറെ നേരത്തേ പരിശ്രമത്തിനൊടുവില്‍ കുട്ടിയെ സുരക്ഷിതമായി പുറത്ത് എത്തിക്കുകയായിരുന്നു.
അപകടവിവരം ഫയര്‍ഫോഴ്സിലും പൊലീസിലും അറിയിച്ചതിനെ തുടര്‍ന്നാണ് മണ്ണഞ്ചേരി സി.ഐ. രവി സന്തോഷിന്റെ നേതൃത്വത്തില്‍ പോലീസ് സംഘം എത്തിയത്. ആലപ്പുഴയില്‍ നിന്നും ഫയര്‍ഫോഴ്സ് അധികൃതര്‍ എത്തുന്നതു വരെ കാത്തു നില്‍ക്കാതെ രക്ഷാദൗത്യം സ്വയം ഏറ്റെടുക്കുകയായിരുന്നു സി.ഐ. ജൂനിയര്‍ എസ്.ഐ.റോ ജോമോന്‍, സിവില്‍ പൊലീസ് ഓഫിസര്‍മാരായ സന്തോഷ്, അനൂപ് എന്നിവര്‍ സംഘത്തില്‍ ഉണ്ടായിരുന്നു. ഫയര്‍ ഫോഴ്സ്‌ സംഘവും ആംബുലന്‍സ് ഉള്‍പ്പടെയുള്ള്രര്‍ പൂര്‍ണ സജ്ജരായിട്ടാണ് എത്തിയത്.
