വടക്കാഞ്ചേരി മുക്കുപണ്ടം വില്ക്കാന് ശ്രമം: യുവാവ് അറസ്റ്റില്; ചോദ്യം ചെയ്തപ്പോള് തെളിഞ്ഞത് മാലമോഷണം
വടക്കാഞ്ചേരി: ജ്വല്ലറിയില് മുക്കുപണ്ടം വില്ക്കാന് ശ്രമിച്ച കേസില് യുവാവ്അറസ്റ്റില്. വടക്കാഞ്ചേരിയിലെ ഒരു ജ്വല്ലറിയില് ഒരു പവനോളം തൂക്കമുള്ള മുക്കുപണ്ടം വില്ക്കാന് ശ്രമിച്ച വാഴാനി കാക്കിനിക്കാട് കുന്നത്ത് വളപ്പില് ചൈതീഷ് (30) ആണ് അറസ്റ്റിലായത്. മുക്കുപണ്ടം വില്ക്കാനായി പ്രതി ജൂവലറിയില് എത്തിയതോടെ സംശയം തോന്നി ജീവനക്കാര് വിവരം പോലീസിനെ അറിയിക്കുകയായിരുന്നു. തുടര്ന്ന് വടക്കാഞ്ചേരി പൊലീസ് സബ് ഇന്സ്പെക്ടര് എ.എ. തങ്കച്ചന്, എ.എസ്.ഐമാരായ കെ.ആര്. ദിലീപ് കുമാര്, പി.എ. ഭൂവനേശന്, എസ്.സി.പി.ഒ എ.വി. സജീവ്, സി.പി.ഒ ശ്രീജിത്ത് എന്നിവരുടെ അന്വേഷണത്തിലാണ് ഓട്ടുപാറയില് വെച്ച് പ്രതി അറസ്റ്റിലായത്. ഇയാളെ ചോദ്യം ചെയ്തപ്പോള് പാഞ്ഞാളിലെ വയോധികയുടെ കഴുത്തില്നിന്ന് രണ്ട് പവന്റെ സ്വര്ണമാല ബൈക്കിലെത്തി പൊട്ടിച്ചുകൊണ്ട് പോയതായും അറിഞ്ഞു. അതിനാല് മോഷണകുറ്റം ചുമത്തി മറ്റൊരു കേസും ഇയാള്ക്കെതിരെ രജിസ്റ്റര് ചെയ്തു