World
ബേൺമൗത്ത് തകർത്ത് ലിവർപൂൾ; വെസ്റ്റ് ഹാമിനെ സമനിലയിൽ തളച്ച് ഷെഫീൽഡ് യുണൈറ്റഡ്
ലണ്ടൻ: ഇംഗ്ലീഷ് പ്രീമിയർ ലീഗിൽ തകർപ്പൻ ജയവുമായി ലിവർപൂൾ. ബേൺമൗത്തിനെതിരെ എതിരില്ലാത്ത നാല് ഗോളുകളുടെ ജയമാണ് ലിവർപൂൾ നേടിയത്. ഡാര്വിന് ന്യൂനസും ഡീഗോ ജോട്ടയും ഇരട്ട ഗോൾ നേടി. മത്സരത്തിന്റെ രണ്ടാം പകുതിയിലാണ് ലിവർപൂളിന്റെ നാല് ഗോളും പിറന്നത്.
രണ്ടാം പകുതിയിൽ 49-ാം മിനിറ്റിൽ ഡാർവിൻ ന്യൂനസാണ് ആദ്യ ഗോൾ നേടിയത്. 70, 79 മിനിറ്റുകളിൽ ഗോൾ നേടി ഡീഗോ ജോട്ട ലിവർപൂളിന്റെ വിജയം ഉറപ്പിച്ചു. 93-ാം മിനിറ്റിൽ ഡാർവിൻ ന്യൂനസിന്റെ രണ്ടാം ഗോളോടെ ലിവർപൂൾ വിജയം ആധികാരികമായി.മറ്റൊരു മത്സരത്തിൽ വെസ്റ്റ് ഹാമിനെ ഷെഫീൽഡ് യുണൈറ്റഡ് സമനിലയിൽ തളച്ചു. ഇരുടീമുകളും രണ്ട് ഗോൾ വീതം നേടി. പ്രീമിയർ ലീഗ് പോയിന്റ് ടേബിളിൽ ലിവർപൂളാണ് ഒന്നാമത്. മാഞ്ചസ്റ്റർ സിറ്റി രണ്ടാമതും ആഴ്സണൽ മൂന്നാമതുമുണ്ട്.