Thrissur
ഭിന്നശേഷിക്കാരനായ ഗായകൻ അബ്ദുൽ കബീർ ഗാനമേളയ്ക്കിടെ കുഴഞ്ഞുവീണ് മരിച്ചു
തൃശൂർ: ഭിന്നശേഷിക്കാരനായ ഗായകൻ ഗാനമേളയ്ക്കിടെ കുഴഞ്ഞുവീണു മരിച്ചു. മതിലകം സെന്ററിനടുത്ത് മുള്ളച്ചാംവീട്ടിൽ പരേതനായ ഹംസയുടെ മകൻ അബ്ദുൽ കബീർ (42) ആണ് മരിച്ചത്. മതിലകം പുന്നക്കബസാർ ആക്ട്സിന്റെ പത്താം വാർഷികത്തോട് അനുബന്ധിച്ച് റാക്ക് ഓഡിറ്റോറിയത്തിൽ നടന്ന ഭിന്നശേഷിക്കാരുടെ ‘മ്യൂസിക് ഓൺ വീൽസ്’ ഗാനമേളയ്ക്കിടെ ബുധനാഴ്ച രാത്രി 10 മണിയോടെയാണ് സംഭവം
വേദിയിൽ പാട്ടുപാടിയശേഷം കബീർ ഇറങ്ങിവന്ന് തന്റെ മുച്ചക്ര സ്കൂട്ടറിൽ ഇരിക്കുകയായിരുന്നു. ഇതിനിടെയാണ് കുഴഞ്ഞുവീണത്. ഉടനെ ആംബുലൻസിൽ കൊടുങ്ങല്ലൂരിലെ ആശുപത്രിയിൽ എത്തിച്ചെങ്കിലും മരിച്ചു. ഓൾ കേരള വീൽചെയർ റൈറ്റ്സ് ഫെഡറേഷൻ അംഗമാണ്. ഖബറടക്കം ഇന്ന് മതിലകം ജുമാമസ്ജിദ് ഖബർസ്ഥാനിൽ നടക്കും
