Town
ഡിവൈഎഫ്ഐ ടിവി ചലഞ്ചിന്റെ ഭാഗമായി ഓണ്‍ലൈന്‍ പഠനത്തിന് ടിവി നല്‍കി
ചങ്ങരംകുളം:ഓൺലെെൻ പഠനകാലത്ത് പ്രയാസം അനുഭവിക്കുന്ന കുട്ടികൾക്ക് വീണ്ടും കെെത്താങ്ങാവുകയാണ് ഡിവൈഎഫ്ഐ ചങ്ങരംകുളം മാട്ടം യൂണിറ്റ്.ടിവി ചലഞ്ച് ഏറ്റെടുത്ത് മാട്ടം ആഞ്ചാം വാര്‍ഡിലെ ഓൺലെെൻ പഠന സംവിധാനം ഇല്ലാത്ത വീട്ടിലേക്ക് ടിവിയും അതിനോടനുബന്ധിച്ച കേബിൾ കണക്ഷനും ഒരുക്കിയാണ് പ്രവര്‍ത്തകര്‍ മാതൃക കാണിക്കുന്നത്.മുന്‍ പഞ്ചായത്ത് പ്രസിണ്ടും ഏരിയ കമ്മറ്റി അംഗവുമായ ടി സത്യന്‍ ടിവി കൈമാറി.ഡിവൈഎഫ്ഐ മേഖലാ കമ്മറ്റി അംഗം അജ്മല്‍,ബ്രാഞ്ച് സെക്രട്ടറിമാരായ ഹംസ ചിറ്റയില്‍ , ഷിബു പട്ടേരി, വാര്‍ഡ് മെമ്പര്‍ സുഹറ, സഖാക്കളായ അയ്യകുളം കുഞ്ഞിപ്പ , മൂസ, അനീഷ് , കബീര്‍ ,ഷെരീഫ് , ബദറു, മുജീബ് , തുടങ്ങിയവർ പങ്കെടുത്തു.
