KL
ജനങ്ങളുടെ ദുരിതത്തിന് അറുതിയില്ല; 13ാം ദിവസവും എണ്ണവില കൂട്ടി
കൊച്ചി: ജനങ്ങളെ ദുരിതക്കയത്തിലേക്ക് തള്ളിവിട്ട് തുടര്ച്ചയായ 13ാം ദിവസവും എണ്ണ വില കൂട്ടി. പെട്രോളിനും ഡീസലിനും 39 പൈസ വീതമാണ് കൂട്ടിയത്. ഇതോടെ മിക്ക നഗരങ്ങളിലും പെട്രോള് വില 90 കടന്ന് കുതിക്കുകയാണ്.
തിരുവനന്തപുരത്ത് പെട്രോളിന് 92.46 രൂപയും ഡീസലിന് 86.99 രൂപയുമാണ് ഇന്നത്തെ വില. കൊച്ചിയില് ഒരു ലിറ്റര് െപട്രോളിന് 90.75 രൂപയും ഡീസലിന് 85.44 രൂപയുമാണ് വില.
അതേസമയം, അന്താരാഷ്ട്ര വിപണിയില് എണ്ണവില കുറഞ്ഞു. ബാരലിന് 1.02 ഡോളര് കുറഞ്ഞ് 62.91 ഡോളറിലാണ് ബ്രെന്റ് ക്രൂഡോയിലിന്റെ വ്യാപാരം. 1.60 ശതമാനത്തിന്റെ ഇടിവാണ് രേഖപ്പെടുത്തിയത്