KL
പെര്ഫ്യൂം കടയില് തീപിടിത്തം
തൃശൂര്: ഇക്കണ്ടവാര്യര് റോഡിലെ പെര്ഫ്യൂം കടയിലുണ്ടായ തീപിടിത്തം നഗരത്തെ പരിഭ്രാന്തിയിലാഴ്ത്തി. രാവിലെ 10.30നാണ് പി.ജെ ടവറില് പ്രവര്ത്തിക്കുന്ന പെരിഞ്ചേരി പെര്ഫ്യൂം എന്നകടയില് തീപിടിത്തമുണ്ടായത്. ഷോര്ട്ട് സര്ക്യൂട്ടാണ് അപകടകാരണമെന്ന് കരുതുന്നു. രണ്ടു യൂനിറ്റ് ഫയര്ഫോഴ്സ് ഒരുമണിക്കൂറിലധികം പ്രയത്നിച്ചാണ് തീയണച്ചത്.
പെട്ടെന്ന് തീപടരുന്ന ഗ്യാസ് അടങ്ങിയ പെര്ഫ്യൂം കുപ്പികള് കത്തിയത് തീയണയ്ക്കല് ദുഷ്കരമാക്കി. സ്റ്റേഷന് അടുത്തായതിനാല് അതിവേഗത്തില് ഫയര്ഫോഴ്സിന് എത്താന് സാധിച്ചതിനാല് വലിയ ദുരന്തം ഒഴിവായി.