കർഷകദിന ആഘോഷവുമായി ബന്ധപ്പെട്ട് സ്വാഗതസംഘം രൂപീകരിച്ചു
എരമംഗലം:കർഷകദിന ആഘോഷവുമായി ബന്ധപ്പെട്ട് വെളിയങ്കോട് ഗ്രാമപഞ്ചായത്തിൻ്റെയും
കൃഷി ഭവൻ്റെയും സംയുക്താഭിമുഖ്യത്തിൽ സ്വാഗത സംഘ രൂപീകരണ യോഗം നടന്നു.ഗ്രാമ പഞ്ചായത്ത് പ്രസിഡൻ്റ് കല്ലാട്ടേൽ ഷംസു ഉദ്ഘാടനം നിർവ്വഹിച്ചു.ആഗസ്റ്റ് 17 - ന് കർഷക ദിനം സമുചിതമായി ആഘോഷിക്കുന്നതിനും കർഷക ദിനാ ഘോഷത്തോടനുബന്ധിച്ച് വാർഡ് തലത്തിൽ കൃഷി കൂട്ടങ്ങൾ രൂപീകരിക്കു ന്നതിനും കൃഷി കൂട്ടങ്ങൾ നടീൽ ഉദ്ഘാടനം സംഘടിപ്പിക്കുന്നതിനും യോഗം തീരുമാനിച്ചു.കർഷക ദിനാഘേഷ പരിപാടിയുമായി ബന്ധപ്പെട്ട് മികച്ച ജൈവ കർഷകൻ ,മുതിർന്ന കർഷകൻ , മുതിർന്ന നെൽ കർഷകൻ ,വിദ്യാർത്ഥി കർഷകർ ,എസ് .സി.കർഷകൻ , വനിത കർഷക,തുടങ്ങിയവ രേയും , മികച്ച , ക്ഷീര ,മത്സ്യ കർഷകനേയും ആദരിക്കുന്നതിനും യോഗം തീരുമാനിച്ചു.ഗ്രാമ പഞ്ചായത്ത് സ്റ്റാൻ്റിംഗ് കമ്മിറ്റി ചെയർമാൻ മജീദ് പാടിയോടത്ത് അധ്യക്ഷത വഹിച്ച ചടങ്ങിൽ സ്റ്റാൻ്റിംഗ് കമ്മിറ്റി ചെയർമാൻ സെയ്ത് പുഴക്കര , വാർഡ് മെമ്പർമാരായ റസ്ലത്ത് സെക്കീർ ,കെ വേലായുധൻ,സുമിത രതീഷ് , ഹസീന ഹിദായത്ത് , പി പ്രിയ വിവിധ സംഘടനകളെ പ്രതിനിധീകരിച്ച്
സി.കെ പ്രഭാകരൻ , വി. പി. അലി , സുരേഷ് പാട്ടത്തിൽ ,പി.അശോകൻ , ടി. വേലായുധൻ , സി.ഡി. എസ് .ചെയർ പേഴ്സൺ പുഷ്പലത,രാജൻ പാലപ്പെട്ടി , ബിനു ഗ്രാമം തുടങ്ങിയവർ സംസാരിച്ചു.കാർഷിക വികസന സമിതി അംഗങ്ങൾ , പാടശേഖര സമിതി ഭാരവാഹികൾ ,തുടങ്ങിയവർ പങ്കെടുത്തു കൃഷി ഓഫിസർ . വി.കെ. ല മിന സ്വാഗതവും , ക്യഷി അസിസ്റ്റൻ്റ് ദീപ നന്ദിയും പറഞ്ഞു .
