ജനങ്ങളെ ദ്രോഹിക്കുന്നതിൽ മോഡിയും പിണറായിയും പരസ്പരം മത്സരിക്കുന്നു : അഡ്വ: എ എം രോഹിത്
ജനങ്ങളെ ദ്രോഹിക്കുന്നതിൽ മോഡിയും പിണറായിയും പരസ്പരം മത്സരിക്കുന്നു : അഡ്വ: എ എം രോഹിത്
എടപ്പാൾ: പ്രജകളെ പേടിച്ച് റോഡിലിറങ്ങി നടക്കാതെ വായുവിൽ സഞ്ചരിക്കുന്ന ഭരണാധികാരി നമ്മുടെ കൊച്ചു കേരളത്തെ ലോകത്തിനുമുന്നിൽ നാണംകെടുത്തിയെന്ന് യൂത്ത് കോൺഗ്രസ് ദേശീയ കോ ഓർഡിനേറ്ററും കെപിസിസി മെമ്പറുമായ അഡ്വ. എ എം രോഹിത് അഭിപ്രായപ്പെട്ടു .ഇന്ത്യ ഭരിക്കുന്ന വർഗീയ ഫാസിസ്റ്റ് ആയ നരേന്ദ്രമോഡിയും കേരളം ഭരിക്കുന്ന അഴിമതി വീരൻ പിണറായി വിജയനും ജനദ്രോഹം എങ്ങനെ നടത്താം എന്ന കാര്യത്തിൽ പരസ്പരം.മത്സരിക്കുകയാണെന്നും രോഹിത് ആരോപിച്ചു.
വട്ടംകുളം പഞ്ചായത്തിൽ യൂത്ത് കോൺഗ്രസ് യൂണിറ്റ് സമ്മേളനങ്ങൾക്ക് തുടക്കം കുറിച്ച് തിരുമാണിയൂരിൽ നടന്ന യൂത്ത് കോൺഗ്രസ് സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.മണ്ഡലം യൂത്ത് കോൺഗ്രസ് പ്രസിഡണ്ട് മനോജ് മൂതൂർ അധ്യക്ഷത വഹിച്ചു.യൂത്ത് കോൺഗ്രസ് അസംബ്ലി പ്രസിഡന്റ് ഷെഫീക്ക് കൈമലശ്ശേരി മണ്ഡലം കോൺഗ്രസ് പ്രസിഡണ്ട് എം എ നജീബ്, ഹാരിസ് മൂതൂർ, ഫിറോസ് ഖാൻ അണ്ണക്കമ്പാട്, എം മാലതി, മഹേഷ് വട്ടംകുളം, മോഹനൻ പാക്കത്ത്,എൻ വി അഷറഫ്, സിപി റഫീഖ്, ജിഷ മേൽമുറി, ദിലീപ് എന്നിവർ പ്രസംഗിച്ചു.
