Thiruvananthapuram
മുഖ്യമന്ത്രി പിണറായി വിജയന്‍ വൈകീട്ട് 6 മണിക്ക് മാധ്യമങ്ങളെ കാണും
മുഖ്യമന്ത്രി പിണറായി വിജയന്‍ വൈകീട്ട് 6 മണിക്ക് മാധ്യമങ്ങളെ കാണും. സര്‍ക്കാര്‍-ഗവര്‍ണര്‍ പോര് രൂക്ഷമായിരിക്കെ മുഖ്യമന്ത്രി നടത്തുന്ന വാര്‍ത്താ സമ്മേളനത്തിന് വലിയ രാഷ്ട്രീയ പ്രാധാന്യമുണ്ട്. ഗവര്‍ണറുടെ നിലപാടുകളും അസാധാരണ നടപടികളുമായി ബന്ധപ്പെട്ട പരാമര്‍ശങ്ങളും ചോദ്യങ്ങളും ഇന്നത്തെ വാര്‍ത്താ സമ്മേളനത്തില്‍ പ്രതീക്ഷിക്കാം.
നയപ്രഖ്യാപന പ്രസംഗത്തിന് ശേഷം ഗവര്‍ണറുമായി ബന്ധപ്പെട്ട് സംസ്ഥാനത്ത് ഉയര്‍ന്നുവന്ന വിവാദങ്ങളില്‍ സര്‍ക്കാര്‍ നിലപാട് വിശദീകരിക്കുകയാകും മുഖ്യമന്ത്രിയുടെ ഇന്നത്തെ വാര്‍ത്താ സമ്മേളനത്തിന്റെ ലക്ഷ്യം. ഗവര്‍ണര്‍ക്ക് കേരള പൊലീസിനെ മറികടന്നുള്ള സിആര്‍പിഎഫ് സുരക്ഷ നല്‍കുന്നതിലും ആഭ്യന്തരമന്ത്രി പ്രതികരണമറിയിക്കും.
