മലപ്പുറം ജില്ലയില് ഇന്ന് 255 പേര്ക്ക് കൂടി രോഗം:53 പേര്ക്ക് രോഗമുക്തി
കോവിഡ് 19: ജില്ലയില് 255 പേര്ക്ക് കൂടി കോവിഡ് 19 സ്ഥിരീകരിച്ചു
53 പേര്ക്ക് വിദഗ്ധ ചികിത്സക്കു ശേഷം രോഗമുക്തി
ജില്ലയില് ഇന്ന് (ഓഗസ്റ്റ് 10) 255 പേര്ക്ക് കൂടി കോവിഡ് 19 സ്ഥിരീകരിച്ചതായി ജില്ലാ കലക്ടര് കെ. ഗോപാലകൃഷ്ണന് അറിയിച്ചു. ഇവരില് മൂന്ന് ആരോഗ്യ പ്രവര്ത്തകരും ഒരു എയര് ഇന്ത്യ ജീവനക്കാരിയുമുള്പ്പെടെ 223 പേര്ക്ക് സമ്പര്ക്കത്തിലൂടെയാണ് രോഗബാധ. 37 പേര്ക്ക് രോഗബാധയുണ്ടായതിന്റെ ഉറവിടം കണ്ടെത്തി വരികയാണ്. നേരത്തെ രോഗബാധയുണ്ടായവരുമായി അടുത്ത ബന്ധമുണ്ടായ 186 പേര്ക്കും സമ്പര്ക്കത്തിലൂടെ രോഗബാധ സ്ഥിരീകരിച്ചു. ഇന്ന് രോഗം സ്ഥിരീകരിച്ചവരില് ഏഴ് പേര് ഇതര സംസ്ഥാനങ്ങളില് നിന്നെത്തിയവരും ശേഷിക്കുന്ന 25 പേര് വിവിധ വിദേശ രാജ്യങ്ങളില് നിന്നെത്തിയവരുമാണ്. വിദഗ്ധ ചികിത്സക്ക് ശേഷം 53 പേരാണ് ഇന്ന് രോഗമുക്തരായത്. ജില്ലയില് ഇതുവരെ 2,103 പേരാണ് വിദഗ്ധ ചികിത്സക്ക് ശേഷം രോഗമുക്തരായി വീടുകളിലേക്ക് മടങ്ങിയത്. രോഗവ്യാപനം തടയുന്നതിന് ആരോഗ്യ ജാഗ്രത ഉറപ്പാക്കണമെന്നും ആരോഗ്യ പ്രവര്ത്തകരുടെ നിര്ദേശങ്ങള് പൂര്ണ്ണമായും പാലിക്കണമെന്നും ജില്ലാ കലക്ടര് അഭ്യര്ത്ഥിച്ചു.
നിരീക്ഷണത്തിലുള്ളത് 32,536 പേര്
32,536 പേരാണ് ഇപ്പോള് ജില്ലയില് നിരീക്ഷണത്തിലുള്ളത്. 1,143 പേര് വിവിധ ആശുപത്രികളില് നിരീക്ഷണത്തിലുണ്ട്. മഞ്ചേരി ഗവ. മെഡിക്കല് കോളജ് ആശുപത്രിയില് 538 പേരും തിരൂരങ്ങാടി താലൂക്ക് ആശുപത്രിയില് 15 പേരും തിരൂര് ജില്ലാ ആശുപത്രിയില് രണ്ട് പേരും കാളികാവ് പ്രത്യേക ചികിത്സാ കേന്ദ്രത്തില് 85 പേരും മഞ്ചേരി മുട്ടിപ്പാലം പ്രത്യേക ചികിത്സാ കേന്ദ്രത്തില് 60 പേരും കരിപ്പൂര് ഹജ്ജ് ഹൗസില് 82 പേരും കാലിക്കറ്റ് സര്വ്വകലാശാലയിലെ പ്രത്യേക ചികിത്സാ കേന്ദ്രത്തില് 361 പേരുമാണ് ചികിത്സയില് കഴിയുന്നത്. 30,323 പേര് വീടുകളിലും 1,148 പേര് കോവിഡ് കെയര് സെന്ററുകളിലുമായി പ്രത്യേക നിരീക്ഷണത്തിലുണ്ട്.
69,962 പേര്ക്ക് രോഗബാധയില്ലെന്ന് സ്ഥിരീകരിച്ചു
ജില്ലയില് നിന്ന് ഇതുവരെ ആര്.ടി.പി.സി.ആര്, ആന്റിജന് വിഭാഗങ്ങളിലുള്പ്പടെ 74,216 പേരുടെ സാമ്പിളുകള് പരിശോധനക്കയച്ചു. ഇതില് 71,460 പേരുടെ ഫലം ലഭ്യമായതില് 69,962 പേര്ക്കാണ് വൈറസ് ബാധയില്ലെന്ന് സ്ഥിരീകരിച്ചത്. 2,957 പേരുടെ പരിശോധനാ ഫലങ്ങളാണ് ഇനി ലഭിക്കാനുള്ളത്.
ആരോഗ്യ ജാഗ്രത കര്ശനമായി പാലിക്കണം
രോഗം സ്ഥിരീകരിച്ചവരുമായി ഏതെങ്കിലും വിധത്തില് സമ്പര്ക്കമുണ്ടായിട്ടുള്ളവര് വീടുകളില് പ്രത്യേക മുറികളില് നിരീക്ഷണത്തില് കഴിയണമെന്ന് ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു. ഈ വിവരം ആരോഗ്യ പ്രവര്ത്തകരെ അറിയിക്കണം. വീടുകളില് നിരീക്ഷണത്തിന് സൗകര്യമില്ലാത്തവര്ക്ക് സര്ക്കാര് ഒരുക്കിയ കോവിഡ് കെയര് സെന്ററുകള് ഉപയോഗപ്പെടുത്താം. ആരോഗ്യ പ്രശ്നങ്ങളുണ്ടായാല് ഒരു കാരണവശാലും നേരിട്ട് ആശുപത്രികളില് പോകരുത്. ജില്ലാതല കണ്ട്രോള് സെല്ലില് വിളിച്ച് ലഭിക്കുന്ന നിര്ദേശങ്ങള് പൂര്ണമായും പാലിക്കണം. ജില്ലാതല കണ്ട്രോള് സെല് നമ്പറുകള്: 0483 2737858, 2737857, 2733251, 2733252, 2733253.
കോവിഡ് ബാധിച്ച് ചെമ്രക്കാട്ടൂര് സ്വദേശി മരിച്ചു
ജില്ലയില് ഒരു കോവിഡ് മരണം കൂടി. ചെമ്രക്കാട്ടൂര് സ്വദേശി അബ്ദുല് റഹ്മാനാണ് (63) കോവിഡ് ബാധിച്ച് മരിച്ചത്. ഇതോടെ ജില്ലയില് കോവിഡ് ബാധിതരായി മരണമടഞ്ഞവരുടെ എണ്ണം 19 ആയി. പ്രമേഹവും ശ്വാസകോശ സംബന്ധമായ അസുഖങ്ങളും ഉണ്ടായിരുന്ന അബ്ദുല് റഹ്മാനെ സ്വകാര്യ ആശുപത്രിയില് ചികിത്സയിലിരിക്കെ രക്തത്തിലെ ഓക്സിജന്റെ അളവ് കുറഞ്ഞതിനെതുടര്ന്ന് ഓഗസ്റ്റ് ആറിന് മഞ്ചേരി മെഡിക്കല് കോളേജില് പ്രവേശിപ്പിക്കുകയായിരുന്നു. പനിയും ചുമയും ശ്വാസമെടുക്കുന്നതില് ബുദ്ധിമുട്ടുമുണ്ടായിരുന്ന രോഗിയെ അന്ന് തന്നെ ജനറല് ഐസിയുവിലേക്ക് മാറ്റി വിദഗ്ധ ചികിത്സ നല്കി ആരോഗ്യ നില മെച്ചപ്പെടുത്തി. തുടര്ന്ന് നടത്തിയ ട്രൂനാറ്റ് പരിശോധനയില് കോവിഡ് സ്ഥിരീകരിക്കുകയും കോവിഡ് ഐസിയുവിലേക്ക് മാറ്റുകയും ചെയ്തു.
ക്രിട്ടിക്കല് കെയര് ടീമിന്റെ പരിശോധനയില് ന്യൂമോണിയ, അക്യൂട്ട് റെസ്പിറേറ്ററി ഡിസ്ട്രസ് സിന്ഡ്രോം, ടൈപ്പ് - രണ്ട് പ്രമേഹം എന്നിവ കണ്ടെത്തി. രോഗിയുടെ ആരോഗ്യ സ്ഥിതി വഷളായതിനെ തുടര്ന്ന്സ്റ്റേറ്റ് മെഡിക്കല് ബോര്ഡിന്റെ നിര്ദ്ദേശ പ്രകാരം പ്ലാസ്മ തെറാപ്പി, ഇഞ്ചക്ഷന് ടോസിലിസുമാബ്, നല്കി. ഹൃദയാഘാതം, ശ്വാസകോശ സംബന്ധമായ അസുഖങ്ങള് എന്നിവ ഉണ്ടായി രോഗിയുടെ നില ഗുരുതരമാകുകയും ചികിത്സയോട് പ്രതികരിക്കാതെ ഓഗസ്റ്റ് 10 ന് ഉച്ചക്ക് 2.45 ന് രോഗി മരണത്തിന് കീഴടങ്ങുകയും ചെയ്തതായി മെഡിക്കല് കോളജ് അധികൃതര് പുറത്തിറക്കിയ വാര്ത്താ കുറിപ്പില് വ്യക്തമാക്കി.