വെളിയങ്കോട് പഞ്ചായത്ത് പരിസ്ഥിതി ദിനത്തിൽ പച്ചത്തുരുത്ത് ആരംഭിച്ചു
എരമംഗലം:ലോക പരിസ്ഥിതി ദിനത്തിൽ ആഗോള താപനത്തിനെതിരെ "ഭൂമിക്കൊരു പച്ചകുട" എന്ന മുദ്രവാക്യമുയർത്തി വെളിയങ്കോട് പഞ്ചായത്ത് തല പച്ചത്തുരുത്തിൻ്റെ ഉദ്ഘാടനം മുൻ , എം . എൽ .എ . പരേതനായ പി.ടി. മോഹനക്യഷ്ണൻ്റെ വസതിയിലെ താഴത്തേൽ പറമ്പിലെ 25 സെൻ്റ് സ്ഥലത്ത് വിവിധ തരത്തിലുള്ള വ്യക്ഷ തൈ നട്ടു കൊണ്ട് ഗ്രാമ പഞ്ചായത്ത് പ്രസിഡൻ്റ് കല്ലാട്ടേൽ ഷംസു ഉദ്ഘാടനം ചെയ്തു .
വികസന സ്റ്റാൻ്റിംഗ് കമ്മിറ്റി ചെയർമാൻ മജീദ് പാടിയോടത്ത് അധ്യക്ഷത വഹിച്ചു . ഹരിത കേരളം ജില്ലാ റിസോഴ്സ് പേഴ്സൺ കെ. പി. രാജൻ മുഖ്യ പ്രഭാഷണം നടത്തി .
ആരോഗ്യ - വിദ്യഭാസ ചെയർമാൻ സെയ്ത് പുഴക്കര സ്വാഗതം പറഞ്ഞ ചടങ്ങിൽ ഗ്രാമ പഞ്ചായത്ത് സെക്രട്ടറി കെ . കെ . രാജൻ , മെമ്പർമാരായ റസ്ലലത്ത് സെക്കീർ , കെ. വേലായുധൻ , റമീന ഇസ്മയിൽ , സബിത പുന്നക്കൽ , ഷീജ സുരേഷ് അബു താഹിർ , പി. പ്രിയ, മുൻ ഗ്രാമ പഞ്ചായത്ത് മുൻ പ്രസിഡൻ്റ് പ്രേമജ സുധീർ, ആസൂത്രണ സമിതി അംഗം കെ. എം. അനന്ത ക്യഷ്ണൻ , പി. രാജാറാം , ചേന്നാസ് ത്രിവിക്രമൻ , തൊഴിലുറപ്പ് പദ്ധതി എഞ്ചിനീയർമാരായ പ്രഷീന, സലാം , മുൻ ഗ്രാമ പഞ്ചായത്ത് അംഗം മണി തമ്പാത്ത് തുടങ്ങിയവർ സംസാരിച്ചു .
പ്രസ്തുത ദിനത്തിൽ ശുചീകരണത്തിൻ്റെ ഭാഗമായി പത്തുമുറി - തണ്ണിത്തുറ പ്രദേശത്തെ തീരദേശ ശുചീകരണ പ്രവ്യത്തിയുടെ ഉദ്ഘാടനം വാർഡ് മെമ്പർ മുസ്തഫ മുക്രിയത്തിൻ്റെ അധ്യക്ഷതയിൽ ഗ്രാമ പഞ്ചായത്ത് വൈസ് പ്രസിഡൻ്റ് ഫൗസിയ വടക്കേപ്പുറത്ത് നിർവ്വഹിച്ചു . തൊഴിലുറപ്പ് പദ്ധതി ഹരിത കർമ്മ സേന പ്രവർത്തകരുടെ സജീവ പങ്കാളിത്തത്തോടെയായിരുന്നു ശുചീകരണ പ്രവർത്തനം .