വെളിയങ്കോട് -പ്രവേശനോത്സവ വിളംബര ഘോഷയാത്ര സംഘടിപ്പിച്ചു
എരംമംഗലം:വെളിയങ്കോട് ഗ്രാമ പഞ്ചായത്തിലെ 32 അങ്കണവാടികളുടെ പ്രവേശനോത്സവത്തോടനുബന്ധിച്ച് വിളംബര ഘോഷയാത്ര സംഘടിപ്പിച്ചു.എരമംഗലം നാക്കോലയിൽ നിന്നും വാദ്യമേളങ്ങളോടെ നടത്തപ്പെട്ട ഘോഷയാത്ര എരമംഗലം അങ്ങാടിയിൽ സമാപിച്ചു . തുടർന്ന് പഞ്ചായത്ത് ഓഫീസിന് മുന്നിൽ നടന്ന സമാപന യോഗം ഗ്രാമ പഞ്ചായത്ത് പ്രസിഡൻ്റ് കല്ലാട്ടേൽ ഷംസു ഉദ്ഘാടനം ചെയ്തു . ഗ്രാമ പഞ്ചായത്ത് വൈസ് പ്രസിഡൻ്റ് ഫൗസിയ വടക്കേപ്പുറത്ത് അധ്യക്ഷത വഹിച്ചു.സ്റ്റാൻ്റിംഗ് കമ്മിറ്റി ചെയർമാൻമാരായ മജീദ് പാടിയോടത്ത് , സെയ്ത് പുഴക്കര , ബ്ലോക്ക് മെമ്പർ പി. അജയൻ , പഞ്ചായത്ത് സെക്രട്ടറി കെ. കെ.രാജൻ , സി. ഡി. പി. ഒ ആശാറാണി ഐ.സി.ഡി .എസ് സൂപ്പർവൈസർ അംബിക തുടങ്ങിയവർ സംസാരിച്ചു. വിളംബര ഘോഷയാത്രക്ക് ഗ്രാമപഞ്ചായത്ത് അംഗങ്ങളായ റമീന ഇസ്മയിൽ, ഷരീഫ മുഹമ്മദ് , സബിത പുന്നക്കൽ ,സുമിത രതീഷ് ഷീജ സുരേഷ്,അങ്കണവാടി പ്രവർത്തകരായ സി. ബീന പി. സരസ്വതി, എം. കെ സിന്ധു , ഇ. വിലാസിനി തുടങ്ങിയവർ നേത്യത്വം നൽകി.
