എരമംഗലം തണൽ അയൽകൂട്ട വാർഷികവും ആലംകോട് ലീലാകൃഷ്ണനെ ആദരിക്കലും മെയ് 13ന് നടക്കും
എരമംഗലം: കഴിഞ്ഞ 9 വർഷമായി എരമംഗലത്തും പരിസരങ്ങളിലുമുള്ള ആയിരത്തോളം കുടുംബങ്ങൾക്ക് പലിശക്കെണിയിൽ നിന്നും ആശ്വാസം നൽകുന്ന തണൽ വെൽഫെയർ സൊസൈറ്റിക്ക് കീഴിലുള്ള അയൽക്കൂട്ടാംഗങ്ങളുടെ വാർഷിക ഓഡിറ്റോറിയത്തിൽ നടക്കുമെന്ന് ഭാരവാഹികൾ അറിയിച്ചു. പ്രമുഖ എഴുത്തുകാരനും പ്രഭാഷകനും ജമാഅത്തെ ഇസ്ലാമി സംസ്ഥാന സെക്രട്ടറിയുമായ ശൈഖ് മുഹമ്മദ് കാരക്കുന്ന് സംഗമം ഉൽഘാടനം ചെയ്യും. ചടങ്ങിൽ സാഹിത്യ ജീവിതത്തിൻ്റെ അമ്പതാണ്ട് പിന്നിട്ട, പ്രശസ്ത കവിയും സാഹിത്യകാരനുമായ ശ്രീ. ആലങ്കോട് ലീലാകൃഷ്ണനെ ആദരിക്കും. തണൽ കുടുംബങ്ങളിലെ നിർധനരായ വിദ്യാർത്ഥിക്കൾക്കുള്ള പഠന സഹായ വിതരണവും കുട്ടികളുടെ വൈവിധ്യമാർന്ന കലാപരിപാടികളുമുണ്ടാകും. വെളിയംകോട് ഗ്രാമ പഞ്ചായത്ത് പ്രസിഡണ്ട് കല്ലാട്ടേൽ ശംസു, ജില്ലാ പഞ്ചായത്തംഗം എ.കെ.സുബൈർ, പെരുമ്പടപ്പ് ബ്ലോക്ക് പഞ്ചായത്തംഗങ്ങളായ പി.അജയൻ, പി.റംഷാദ്, വെളിയംകോട് ഗ്രാമപഞ്ചായത്ത് വിവിധ സ്റ്റാൻ്റിംഗ് കമ്മറ്റി ചെയർമാൻമാരായ മജീദ് പാടിയോടത്ത്, സെയ്ത് പുഴക്കര, റംസി റമീസ്, വാർഡ് മെംബർമാരായ ഷീജ സുരേഷ്, റമീന ഇസ്മാഈൽ, ഇൻഫാഖ് എക്സിക്യൂട്ടീവ് മെമ്പർ ലത്തീഫ് മാറഞ്ചേരി, വെൽഫെയർ പാർട്ടി ജില്ല ജനറൽ സെക്രട്ടറി ഗണേഷ് വടേരി, എരമംഗലം ജുമാഅത്ത് മഹല്ല് കമ്മറ്റി പ്രസിഡണ്ട് ടി.എം.അബൂബക്കർ ഹാജി, MSF ദേശീയ സെക്രട്ടറി ശമീർ ഇടിയാട്ടേൽ തുടങ്ങിയ ജനപ്രതിനിധികളും പൗരപ്രമുഖരും ചടങ്ങിൽ പങ്കെടുക്കുമെന്ന് സൊസൈറ്റി ഭാരവാഹികളായ എം.സി.നസീർ(പ്രസിഡണ്ട്), പി.അഹമ്മദുണ്ണി(സെക്രട്ടറി) K. അക്ബർ(ജോ. സെക്രട്ടറി) എന്നിവർ അറിയിച്ചു.
