എസ്എസ്എല്സി, പ്ലസ്ടു പരീക്ഷകള് മാറ്റി
എസ്എസ്എല്സി, പ്ലസ്ടു പരീക്ഷകള് മാറ്റി
തിരുവനന്തപുരം : എസ്എസ്എല്സി, പ്ലസ്ടു പരീക്ഷകള് മാറ്റിവെച്ചു. പുതുക്കിയ തീയതി പ്രകാരം പരീക്ഷകള് ഏപ്രില് എട്ട് മുതല് ആരംഭിക്കും. ഈ മാസം 17ന് ആരംഭിക്കേണ്ട പരീക്ഷയാണ് തിരഞ്ഞെടുപ്പ് ജോലികള് കണക്കിലെടുത്ത് മാറ്റിയത്. ഏപ്രില് 6ന് പോളിങ് അവസാനിച്ച ശേഷം പരീക്ഷ എട്ടിന് ആരംഭിക്കും.
കേന്ദ്ര തിരഞ്ഞെടുപ്പ് കമ്മീഷനില് നിന്ന് മുഖ്യ തിരഞ്ഞെടുപ്പ് ഓഫീസര്ക്ക് ഇത് സംബന്ധിച്ച നിര്ദേശം ലഭിച്ചു. ഇത് സര്ക്കാരിനെയും മുഖ്യ തിരഞ്ഞെടുപ്പ്ഓഫീസര് അറിയിച്ചിട്ടുണ്ട്.10, 12 ക്ലാസുകളിലെ പരീക്ഷ മാറ്റിവെക്കണമെന്ന സംസ്ഥാനസര്ക്കാരിന്റെ ആവശ്യത്തിലാണ് കേന്ദ്ര തിരഞ്ഞെടുപ്പ് കമ്മിഷന് തീരുമാനമെടുത്തത്. കഴിഞ്ഞദിവസം സംസ്ഥാന മുഖ്യ തിരഞ്ഞെടുപ്പ് ഓഫീസര്ക്കുനല്കിയ അപേക്ഷയാണ് കേന്ദ്ര തിരഞ്ഞെടുപ്പ് കമ്മിഷന് നല്കിയത്.
17-ന് പരീക്ഷകള് തുടങ്ങാനാണ് തീരുമാനിച്ചിരുന്നത്. ഹാള്ടിക്കറ്റ് വിതരണം ഈയാഴ്ച തുടങ്ങുമെന്നുമാണ് അറിയിച്ചിരുന്നത്. അധ്യാപകരുടെ പരീക്ഷാഡ്യൂട്ടിയും വോട്ടെണ്ണല് കേന്ദ്രങ്ങളായ സ്കൂളുകള് നേരത്തെത്തന്നെ തിരഞ്ഞെടുപ്പ് കമ്മിഷന് ഏറ്റെടുക്കുന്നത് ഉള്പ്പെടെയുള്ള വിഷയങ്ങളും ചൂണ്ടിക്കാട്ടിയാണ് സര്ക്കാര് അപേക്ഷ നല്കിയത്. പരീക്ഷ മാറ്റണമെന്ന് ഇടത് അധ്യാപക സംഘടനകള് ആവശ്യപ്പെട്ടപ്പോള് വേണ്ടെന്നാണ് പ്രതിപക്ഷ സംഘടനകള് നിലപാടെടുത്തത്