Thiruvananthapuram
വിജിലൻസിന്‍റെ അപ്രതീക്ഷിത നീക്കം, കേരളത്തിലെ 88 വില്ലേജ് ഓഫീസുകളിൽ വ്യാപക ക്രമക്കേടുകള്‍
വിജിലൻസിന്‍റെ അപ്രതീക്ഷിത നീക്കം, കേരളത്തിലെ 88 വില്ലേജ് ഓഫീസുകളിൽ വ്യാപക ക്രമക്കേടുകള്‍
തിരുവനന്തപുരം: സംസ്ഥാനത്തെ 88 വില്ലേജ് ഓഫീസുകളിൽ 'ഓപ്പറേഷൻ സുതാര്യത' എന്ന പേരിൽ ഇന്നലെ മുതൽ നടത്തി വരുന്ന മിന്നൽ പരിശോധനയിൽ വ്യാപക ക്രമക്കേടുകൾ കണ്ടെത്തിയെന്ന് വിജിലൻസ്. വില്ലേജ് ഓഫീസുകളിൽ നിന്നും പൊതു ജനങ്ങൾക്ക് ലഭിക്കുന്ന വിവിധ സർക്കാർ സേവനങ്ങൾ വേഗത്തിലാക്കുക, അപേക്ഷകർ വില്ലേജ് ഓഫീസുകളിൽ വരുന്നത് പരമാവധി ഒഴിവാക്കുക, വില്ലേജ് ഓഫീസുകളിലെ അഴിമതി തടയുക എന്നീ ലക്ഷ്യത്തോടെ സംസ്ഥാന സർക്കാർ നടപ്പിലാക്കിയ ഇ - ഡിസ്ട്രിക്ട് ഓൺലൈൻ പോർട്ടൽ സംവിധാനം ചില ഉദ്യോഗസ്ഥരുടെ നിസഹകരണം കാരണം പൊതുജനങ്ങൾക്ക് വേണ്ട വിധത്തിൽ ഉപകാരപ്പെടുന്നില്ലായെന്ന് വിജിലൻസിന് ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് പരിശോധന നടന്നത്.
