രാഹുൽ മാങ്കൂട്ടത്തിലിൻ്റെ ജാമ്യാപേക്ഷയിൽ ഉച്ചകഴിഞ്ഞ് കോടതി വിധി; കസ്റ്റഡിയിൽ ആവശ്യപ്പെട്ട് പൊലീസ്
തിരുവനന്തപുരം: സെക്രട്ടറിയേറ്റ് മാര്ച്ച് അതിക്രമകേസിൽ അറസ്റ്റിലായ യൂത്ത്കോൺഗ്രസ് സംസ്ഥാന പ്രസിഡൻ്റ് രാഹുൽ മാങ്കൂട്ടത്തിലിൻ്റെ ജാമ്യഹർജിയിൽ തിരുവനന്തപുരം ജുഡീഷ്യൽ ഫസ്റ്റ്ക്ലാസ് മജിസ്ട്രേറ്റ് 2 കോടതി ഉച്ച കഴിഞ്ഞ് വിധി പറയും. ഇരുവിഭാഗത്തിൻ്റെയും വാദങ്ങൾ കേട്ടതിന് ശേഷമാണ് ഉച്ചയ്ക്ക് ശേഷം വിധിപറയാമെന്ന് കോടതി അറിയിച്ചത്. വാദത്തിനിടെ പ്രോസിക്യൂഷൻ വാദങ്ങൾക്ക് അനുകൂലമായ പരാമർശങ്ങൾ കോടതിയിൽ നിന്നും ഉണ്ടായിരുന്നു.
നിയമവിരുദ്ധമായി സംഘം ചേർന്നു. കലാപാഹ്വാനം നടത്തി. പൂജപ്പുര എസ്എച്ച്ഒയ്ക്ക് ഗുരുതരമായി പരിക്കേറ്റു. നിരവധി പൊലീസുകാർക്ക് അടക്കം പരിക്കേറ്റ ആക്രമണങ്ങൾക്ക് രാഹുൽ മാങ്കൂട്ടത്തിൽ നേതൃത്വം നൽകി. ആക്രമണത്തിന് നേതൃത്വം നൽകിയ പ്രതികളെ പൊലീസിൻ്റെ കസ്റ്റഡിയിൽ നിന്നും ബലമായി മോചിപ്പിച്ച് രക്ഷപെടുത്തി. സർക്കാർ ഖജനാവിന് 50,000 രൂപയുടെ നഷ്ടമുണ്ടാക്കി തുടങ്ങിയ ഗുരുതര കുറ്റങ്ങളാണ് പൊലീസിൻ്റെ റിമാൻഡ് റിപ്പോർട്ടിലുള്ളത്. രാഹുലിന് ജാമ്യം നൽകരുതെന്നും പൊലീസ് കോടതിയിൽ ആവശ്യപ്പെട്ടു. രാഹുലിൻ്റേതും സംഘത്തിൻ്റേതും നിയമവിരുദ്ധ സംഘം ചേരലെന്ന് കോടതി പറഞ്ഞു. പൊലീസിനെ അക്രമിച്ച പട്ടികകളുമായി എന്തിനാണ് മാർച്ചിന് വന്നതെന്നും കോടതി ചോദിച്ചു. സംഘർഷത്തിൻ്റെ തെളിവായി വീഡിയോ ദൃശ്യങ്ങൾ ഹാജരാക്കിയായിരുന്നു പ്രോസിക്യൂഷൻ്റെ വാദം. ജാമ്യം നൽകിയാൽ പ്രതി സാക്ഷികളെ സ്വാധീനിക്കുമെന്നതിനാൽ രാഹുലിന് ജാമ്യം നൽകരുതെന്നായിരുന്നു പ്രോസിക്യൂഷൻ വാദം. പ്രതി സമാന കുറ്റകൃത്യം അവർത്തിക്കുമെന്നും ജാമ്യം സമൂഹത്തിന് തെറ്റായ സന്ദേശം നൽകുമെന്ന് പ്രോസിക്യൂഷൻ വാദിച്ചു. തുടർ അന്വേഷണത്തിന് കസ്റ്റഡിയിൽ ആവശ്യമുണ്ടെന്നും പ്രോസിക്യൂഷൻ കോടതിയെ അറിയിച്ചു
രക്തം കട്ട പിടിക്കുന്ന അസുഖമാണെന്നും ചികിത്സയിലാണെന്നും ആരോഗ്യവസ്ഥ പരിഗണിക്കണമെന്നുമായിരുന്നു കോടതിയിൽ പ്രതിഭാഗത്തിൻ്റെ വാദം. പൊതു മുതൽ നശിപ്പിച്ചതിൽ രാഹുലിൻ്റെ പങ്ക് തെളിയിക്കാൻ പോലീസിന് സാധിച്ചിട്ടില്ല. ജനാധിപത്യപരമായ പ്രതിഷേധം നിയമ വിരുദ്ധ പ്രവർത്തി അല്ല. പോലീസുകാർ മാത്രം സാക്ഷികളായ കേസിൽ സാക്ഷികളെ സ്വാധീനിക്കാൻ സാഹചര്യമില്ല. കസ്റ്റഡിയിൽ എടുത്ത ശേഷമാണ് നോട്ടീസ് നൽകുന്നത്, ഇത് നിയമപരമല്ല തുടങ്ങിയ വാദങ്ങളാണ് കസ്റ്റഡി ആവശ്യത്തെ എതിർത്ത് പ്രതിഭാഗം കോടതിയിൽ അറിയിച്ചത്. പട്ടികകളല്ല കൊടികെട്ടുന്ന വടിയാണെന്ന് രാഹുലിൻ്റെ അഭിഭാഷകൻ പറഞ്ഞതെങ്കിലും കോടതി ആ വാദം അംഗീകരില്ലില്ല.
അടൂരിലെ വീട്ടിൽ നിന്നും കസ്റ്റഡിയിൽ എടുത്ത രാഹുലിനെ മെഡിക്കൽ പരിശോധനകൾക്ക് ശേഷമാണ് തിരുവനന്തപുരം ജുഡീഷ്യൽ ഫസ്റ്റ്ക്ലാസ് മജിസ്ട്രേറ്റ് കോടതിയിൽ ഹാജരാക്കുകയത്. കൻ്റോണ്മെന്റ് പൊലീസ് അടൂരിലെ വീട്ടില് നിന്നുമാണ് രാഹുലിനെ കസ്റ്റഡിയിലെടുത്തത്. യൂത്ത് കോൺഗ്രസ് നടത്തിയ സെക്രട്ടറിയേറ്റ് മാർച്ചിൽ പൊലീസ് വാഹനം ഉൾപ്പെടെ തകർത്തതിനാണ് രാഹുൽ മാങ്കൂട്ടത്തിൽ അടക്കം യൂത്ത് കോൺഗ്രസ് നേതാക്കൾക്കെതിരെ ജാമ്യമില്ലാക്കുറ്റം ചുമത്തി കേസ് എടുത്തത്. പ്രതിപക്ഷ നേതാവ് വി ഡി സതീശനാണ് കേസിലെ ഒന്നാം പ്രതി. ഇതുവരെയും 31 യൂത്ത് കോണ്ഗ്രസ് പ്രവര്ത്തകരെ സംഘർഷവുമായി ബന്ധപ്പെട്ട് അറസ്റ്റ് ചെയ്തിട്ടുണ്ട്. പൊതുമുതല് നശിപ്പിച്ചു, കലപാഹ്വാനം നടത്തി എന്നീ വകുപ്പുകള് ചുമത്തിയാണ് കേസെടുത്തത്.
മാര്ച്ചിനിടെയുണ്ടായ സംഘര്ഷത്തില് അറസ്റ്റിലായ 26 യൂത്ത് കോണ്ഗ്രസ് പ്രവര്ത്തകരെ ജാമ്യത്തില് വിട്ടിരുന്നു. തിരുവനന്തപുരം സിജെഎം, ജില്ലാ സെഷന്സ് കോടതികളാണ് ജാമ്യം അനുവദിച്ചത്. കേസില് 31 പ്രവര്ത്തകര് റിമാന്ഡിലായിരുന്നു. വി ഡി സതീശന് പുറമേ ഷാഫി പറമ്പില് എംഎല്എ, എം വിന്സന്റ് എംഎല്എ എന്നിവരും പ്രതിപ്പട്ടികയിലുണ്ട്.സംസ്ഥാനത്ത് തുടര്ച്ചയായി യൂത്ത് കോണ്ഗ്രസ് പ്രവര്ത്തകരെ പൊലീസ് ആക്രമിക്കുന്നുവെന്ന് ആരോപിച്ചായിരുന്നു സെക്രട്ടറിയേറ്റ് മാര്ച്ച് സംഘടിപ്പിച്ചത്. മാര്ച്ച് സംഘര്ഷത്തില് കലാശിക്കുകയായിരുന്നു. പൊലീസ് ജലപീരങ്കി പ്രയോഗത്തിലും ലാത്തി ചാര്ജിലുമായി സംസ്ഥാന അധ്യക്ഷന് രാഹുല് മാങ്കൂട്ടത്തിലിനും വൈസ് പ്രസിഡന്റ് അബിന് വര്ക്കിക്കും ഉള്പ്പെടെ പരിക്കേറ്റിരുന്നു. വനിതാ ഇന്സ്പെക്ടര്ക്കും പരിക്കേല്ക്കുകയുണ്ടായി.