Pathanamthitta
ഓൺലൈൻ റമ്മി കളിച്ച് 3 ലക്ഷം പോയി പണം വീണ്ടെടുക്കാൻ 80 വയസുകാരിയുടെ കഴുത്തിൽ കത്തി വെച്ച് മോഷണം,പ്രതി പിടിയിൽ
ഓൺലൈൻ റമ്മി കളിച്ച് 3 ലക്ഷം പോയി
പണം വീണ്ടെടുക്കാൻ 80 വയസുകാരിയുടെ കഴുത്തിൽ കത്തി വെച്ച് മോഷണം,പ്രതി പിടിയിൽ
പത്തനംതിട്ട :ഓൺലൈൻ റമ്മി കളിക്കാനുള്ള പണത്തിന് വേണ്ടി കവർച്ച നടത്തിയ യുവാവ് പിടിയിൽ. കോട്ടയം പാലാ ഭരണങ്ങാനം സ്വദേശി അമൽ അഗസ്റ്റിനാണ് പിടിയിലായത്. ഓൺലൈൻ റമ്മി കളിച്ച് അമലിന്റെ 3 ലക്ഷം രൂപ നഷ്ടമായി. ആ പണം വീണ്ടെടുക്കാൻ പത്തനംതിട്ട നെടിയകാല സ്വദേശിയായ 80 വയസ്സുകാരിയുടെ കഴുത്തിൽ കത്തി വെച്ച് മാല പിടിച്ചു പറിക്കുകയായിരുന്നു. പത്തനംതിട്ട ഇലവുംതിട്ട പൊലീസാണ് പ്രതിയെ പിടികൂടിയത്. സ്ത്രീകൾ ഒറ്റയ്ക്ക് കഴിയുന്ന വീടുകളും കടകളും ഇയാൾ ലക്ഷ്യം വെച്ചിരുന്നുവെന്നാണ് പൊലീസ് പറയുന്നത്.
