Malappuram
വളാഞ്ചേരി വട്ടപ്പാറയിൽ നിയന്ത്രണം വിട്ട ചരക്ക് ലോറി മറിഞ്ഞു ഡ്രൈവർ മരിച്ചു
വളാഞ്ചേരി വട്ടപ്പാറയിൽ നിയന്ത്രണം വിട്ട ചരക്ക് ലോറി മറിഞ്ഞു ഡ്രൈവർ മരിച്ചു
വളാഞ്ചേരി:വട്ടപ്പാറയിൽ ചരക്ക് ലോറി മറിഞ്ഞുണ്ടായ അപകടത്തിൽ ഒരാൾ മരിച്ചു. കോഴിക്കോട് ഭാഗത്തുനിന്നും തൃശ്ശൂർ ഭാഗത്തേക്ക് സവാള കയറ്റി പോകുകയായിരുന്ന ചരക്ക് ലോറിയാണ് നിയന്ത്രണം വിട്ട് മറിഞ്ഞത്. ലോറിയിൽ ഉണ്ടായിരുന്ന ഡ്രൈവർ ആണ് മരിച്ചത്.വാഹനത്തിൽ കുടുങ്ങിയ ഡ്രൈവറെ ഫയർഫോഴ്സ് എത്തിയാണ് പുറത്തെടുത്തത്. ശനിയാഴ്ച പുലർച്ചെ 4:50 ഓടെ യാണ് അപകടം. കർണ്ണാടക സ്വദേശി ഗോപാൽ ജാദവ് (41) ആണ് മരണപ്പെട്ടത്.വാഹനത്തിൽ നിന്നും തെറിച്ച് വീണ സഹായി കർണ്ണാടക സ്വദേശി പ്രകാശിനെ ഹൈവേ പോലീസ് ആശുപത്രിയിൽ എത്തിച്ചു.വളാഞ്ചേരി പോലീസും തിരൂർ ഫയർ ഫോഴ്സും നാട്ടുകാരും രക്ഷാപ്രവർത്തനത്തിന് നേതൃത്വം നൽകി.വളാഞ്ചേരി പോലീസ് തുടർ നടപടികൾ സ്വീകരിച്ചു.