ഇന്ന് ശ്രീനാരായണ ഗുരുജയന്തി.
ഇന്ന് ശ്രീനാരായണ ഗുരുജയന്തി.
ഇന്ന് കേരളം കണ്ട ഏറ്റവും വലിയ സാമൂഹിക പരിവർത്തകനും,നവോത്ഥാനനായകനും ആയിരുന്ന ശ്രീനാരായണ ഗുരുവിന്റെ ജന്മദിനം . ശ്രീനാരായണ ഗുരുവിന്റെ പരിപാവനമായ ജീവിതം കേരളത്തിന്റെ നവോത്ഥാന ചരിത്രമാണ്. അറിവും,വിദ്യാഭ്യാസവും,ക്ഷേത്ര ദർശനം പോലും താഴ്ന്ന ജാതിക്കാര്ക്ക് നിഷിദ്ധമായിരുന്ന കാലഘട്ടത്തിൽ ശ്രീ നാരായണഗുരു എന്ന് ലോകമാകെ ആദരിക്കുന്ന മഹാത്മാവിലേക്ക് ഉയർന്നത് മനുഷ്യസാഹോദര്യത്തിലധിഷ്ടിതമായ ദാര്ശനികതയാണ് . പൊതുസമൂഹധാരയില് പ്രവേശിക്കാനനുവദിക്കാതെ മാറ്റി നിര്ത്തിയ അധഃസ്ഥിത വിഭാഗത്തെ അറിവിന്റെ വെളിച്ചം നല്കി മുഖ്യധാരയിലേക്ക് കൈപിടിച്ചുയര്ത്തി ഗുരുദേവന് .ആരാധനാ സ്വാതന്ത്ര്യം നിഷേധിക്കപ്പെട്ടവര്ക്ക് ദേവാലയങ്ങളുണ്ടാക്കി. വിദ്യ നിഷേധിക്കപ്പെട്ടവര്ക്ക് വേണ്ടി വിദ്യാലയങ്ങളാരംഭിച്ചു. അറിവിന്റെ ആഴങ്ങളിലൂടെ ഗുരുദേവന് സൃഷ്ടിച്ച സാമൂഹ്യവിപ്ലവമാണ് പില്ക്കാലത്ത് കേരളത്തിലുണ്ടായ എല്ലാ പുരോഗമന പ്രസ്ഥാനങ്ങളുടെയും അടിസ്ഥാനസ്രോതസ് .സവർണ മേൽക്കോയ്മ, തൊട്ടുകൂടായ്മ, തീണ്ടിക്കൂടായ്മ തുടങ്ങിയ സാമൂഹിക വിപത്തുക്കൾക്കെതിരെ സധൈര്യം രംഗത്തിറങ്ങി. .ജന മനസുകളിൽ വിപ്ലവം സൃഷ്ടിച്ച് മഹത്തായ സാമൂഹിക മാറ്റം കൊണ്ട് വന്നു.