Wayanad
പോക്സോ കേസില് കായിക അധ്യാപകന് അറസ്റ്റില്
വയനാട്: കൽപ്പറ്റയിൽ കായിക അധ്യാപകൻ പോക്സോ കേസിൽ അറസ്റ്റിൽ. പുത്തൂർവയൽ സ്വദേശി ജോണി(50) ആണ് അറസ്റ്റിലായത്. ഇയാൾക്കെതിരെ അഞ്ച് വിദ്യാർഥിനികൾ പൊലീസ് സ്റ്റേഷനിലെത്തി നേരിട്ട് പരാതി നൽകിയതോടെയാണ് നടപടി.
ഇതിനെ തുടർന്ന് നടത്തിയ അന്വേഷണത്തിൽ അറസ്റ്റ് രേഖപ്പെടുത്തുകയായിരുന്നു.ഇയാൾക്കെതിരെ നേരത്തെ കോഴിക്കോട് കസബ പൊലീസ് സ്റ്റേഷനിലും പോക്സോ കേസ് ഉള്ളതായി കണ്ടെത്തി.സമാന സംഭവത്തിൽ കഴിഞ്ഞ മാസം മലപ്പുറത്തും അധ്യാപകന് അറസ്റ്റിലായിരുന്നു. വളാഞ്ചേരിയില് പോക്സോ കേസില് അധ്യാപകന് അറസ്റ്റില്. രണ്ടു കുട്ടികളുടെ പരാതിയില് കോഴിക്കോട് കൊയിലാണ്ടി സ്വദേശിയായ ജയരാജനാണ് അറസ്റ്റിലായത്. ക്ലാസിനിടെ കുട്ടികളെ ലൈംഗികമായി ദുരുപയോഗം ചെയ്തുവെന്നാണ് പരാതി.