പാലക്കാട്, ഒറ്റപ്പാലം റെയിൽവേ സ്റ്റേഷനുകളിൽ വൻ ലഹരി വേട്ട മൂന്ന് യുവാക്കൾ പിടിയിൽ
പാലക്കാട്: പാലക്കാട്, ഒറ്റപ്പാലം റെയിൽവേ സ്റ്റേഷനുകളിൽ വൻ ലഹരി വേട്ട. പരിശോധനയിൽ 15.5 ഗ്രാം മാരക ലഹരിമരുന്ന് എം ഡി എം എയും 4 കിലോ കഞ്ചാവും പിടികൂടി. ഇതുമായി ബന്ധപ്പെട്ട് 3 യുവാക്കളെ അറസ്റ്റ് ചെയ്യുകയും ചെയ്തു. പാലക്കാട് ആ൪ പി എഫ് ക്രൈം ഇന്‍റലിജൻസ് ബ്രാഞ്ചും ഒറ്റപ്പാലം എക്സ്സൈസ് റേഞ്ചും ഒറ്റപ്പാലം റെയിൽവേ സ്റ്റേഷനിൽ സംയുക്തമായി നടത്തിയ പരിശോധനയിലാണ് 15.5 ഗ്രാമിലധിക൦ അതിമാരക ലഹരിമരുന്നായ എം ഡി എം എയടക്കം പിടികൂടിയത്.
ബാംഗളുരുവിൽ നിന്നും എം ഡി എം എ വാങ്ങി, കോയമ്പത്തൂർ വഴി ഒറ്റപ്പാലം റെയിൽവേ സ്റ്റേഷനിൽ ഇറങ്ങി വെളിയിൽ പോകുന്നതിനായി പ്ലാറ്റ്ഫോം വഴി വരുമ്പോൾ സംശയാസ്പദമായി കാണപ്പെട്ട കോട്ടയം സ്വദേശി വിജയ് പ്രകാശ് (23) തൃശൂർ സ്വദേശി ആദിത് (20), കൊല്ലം സ്വദേശി നിയാസ് (22) എന്നിവരിൽ നിന്നുമാണ് 15.5 ഗ്രാം എം ഡി എം എ പിടികൂടിയത്. ഒന്നിച്ചു പഠിക്കുന്ന കോളേജ് കൂട്ടുകാർക്കിടയിൽ വിൽപ്പന നടത്തുവാൻ വേണ്ടിയാണ് ലഹരി കടത്തിയതെന്നാണ് പ്രാഥമികാന്വേഷണത്തിൽ തെളിഞ്ഞത്.
