Kozhikode
ബസിനെ ഓവർടേക്ക് ചെയ്യാൻ ശ്രമിക്കുന്നതിനിടെ ബൈക്കിൽ ലോറിയിടിച്ചു; വിദ്യാർഥിനികൾ അത്ഭുതകരമായി രക്ഷപ്പെട്ടു
കോഴിക്കോട്: ബസിനെ ഓവർടേക്ക് ചെയ്യാൻ ശ്രമിക്കുന്നതിനിടെ ബൈക്കിൽ ലോറിയിടിച്ചു. ബൈക്ക് യാത്രക്കാരായ വിദ്യാർഥികൾ അത്ഭുതകരമായി രക്ഷപ്പെട്ടു. ഓവർടേക്ക് ചെയ്യാൻ ശ്രമിക്കുന്നതിനിടെ എതിർദിശയിൽ നിന്നും വന്ന ലോറി ബൈക്കിലിടിക്കുകയായിരുന്നു. ചൊവ്വാഴ്ച രാവിലെ മാവൂർ താത്തൂർ പൊയിലിലാണ് സംഭവം.
ബസിനു പുറകിൽ ഇരുചക്രവാഹനത്തിൽ വരുകയായിരുന്നു. ഇതിനിടയിൽ ഇടുങ്ങിയ വഴിയിൽ വെച്ച് വിദ്യാർത്ഥിനികൾ ബസിനെ ഓവർടേക്ക് ചെയ്യാൻ ശ്രമിക്കുകയായിരുന്നു. ഈ സമയത്താണ് മുൻപിൽ നിന്ന് വന്ന ലോറി ഇടിച്ചിടുന്നത്. ബസിലെ സി.സി.ടി.വി. ദൃശ്യങ്ങളാണ് പുറത്തുവന്നത്.
