Ernakulam
പോക്സോ കേസ്: എറണാകുളത്ത് കരാട്ടെ, തയ്ക്വാൻണ്ടോ അധ്യാപകര്‍ക്ക് കഠിനതടവും പിഴയും ശിക്ഷ
കൊച്ചി : എറണാകുളത്ത് പോക്സോ കേസിൽ കരാട്ടെ -തയ്ക്വാൻണ്ടോ അധ്യാപകരായ രണ്ട് പേർക്ക് കഠിനതടവും പിഴയും ശിക്ഷ വിധിച്ച് കോടതി. പുതുവൈപ്പ് സ്വദേശിയും കരാട്ടെ അധ്യാപകനുമായ മിലൻ, വൈപ്പിൻ സ്വദേശിയും തയ്ക്വാൻണ്ടോ അധ്യാപകനുമായ ജിബിൻ നീലാംബരൻ എന്നിവരെയാണ് എറണാകുളം പോക്സോ കോടതി ശിക്ഷിച്ചത്.
മിലന് ആറ് വകുപ്പുകളിലായി 42 വർഷം കഠിനതടവും ജിബിൻ നീലാംബരന് 15 വർഷം കഠിനതടവുമാണ് ശിക്ഷ. ഇരുവരും 75,000 രൂപ വീതം പിഴയുമൊടുക്കണം. 2019 - 2020 കാലഘട്ടത്തിലായിരുന്നു കരാട്ടെ അധ്യാപകനായ മിലൻ രണ്ട് ആൺകുട്ടികളോട് ലൈംഗികാതിക്രമം നടത്തിയത്. മൂന്ന് പെൺകുട്ടികളോട് ലൈംഗീകാതിക്രമം നടത്തിയെന്ന പരാതിയിലാണ് ജിബിൻ നീലാംബരനെ ശിക്ഷിച്ചത്.
