National
അടുത്ത വര്ഷം മുതല് കാറുകളില് ആറ് എയര്ബാഗ് നിര്ബന്ധം; ഒരു വര്ഷത്തേക്ക് നീട്ടി കേന്ദ്രം
കാറുകളില് ആറ് എയര് ബാഗുകള് നിര്ബന്ധമാക്കാനുള്ള നിര്ദേശം നടപ്പാക്കുന്നത് ഒരു വര്ഷത്തേക്ക് കൂടി നീട്ടിയതായി കേന്ദ്ര ഗതാഗത മന്ത്രി നിതിന് ഗ്ഡകരി.അടുത്തവര്ഷം ഒക്ടോബര് ഒന്നുമുതല് പദ്ധതി രാജ്യത്ത് നടപ്പാക്കുമെന്നും അദ്ദേഹം പറഞ്ഞു. അസംസകൃത വസ്തുക്കളുടെ ദൗര്ലഭ്യം കണക്കിലെടുത്താണ് തീരുമാനമെന്ന് ഗഡ്കരി അറിയിച്ചു.
മോട്ടോര് വാഹനങ്ങളില് യാത്ര ചെയ്യുന്നവരുടെ സുരക്ഷയ്ക്കാണ് മുന്ഗണന നല്കുന്നതെന്നും, വാഹനങ്ങളുടെ വിലയ്ക്കനുസരിച്ചുള്ള സുരക്ഷാ സജ്ജീകരണങ്ങള് ഉണ്ടാകണമെന്നും മന്ത്രി കൂട്ടിച്ചേര്ത്തു. ഈ വര്ഷം ഒക്ടോബര് ഒന്നുമുതല് എട്ട് സീറ്റുള്ള വാഹനങ്ങളില് ആറ് എയര്ബാഗുകള് നിര്ബന്ധമാക്കാനായിരുന്നു സര്ക്കാരിന്റെ തീരുമാനം.