National
മുൻ ഇന്ത്യൻ ഫുട്ബോൾ താരം സുഭാഷ് ഭൗമിക് അന്തരിച്ചു
മുൻ ഇന്ത്യൻ ഫുട്ബോൾ താരവും പരിശീലകനുമായ സുഭാഷ് ഭൗമിക് അന്തരിച്ചു. 72 വയസ്സായിരുന്നു. വൃക്കസംബന്ധമായ അസുഖങ്ങളെ തുടർന്ന് കൊൽക്കത്തയുലെ സ്വകാര്യ ആശുപത്രിയിൽ ചികിത്സയിൽ കഴിയുകയായിരുന്നു.
1969ൽ ഈസ്റ്റ് ബംഗാളിലൂടെയാണ് ആക്രമണ താരമായിരുന്ന സുഭാഷ് ഭൗമിക് പ്രൊഫഷണൽ കരിയർ ആരംഭിക്കുന്നത്. 1970ൽ ദേശീയ ടീമിൽ അരങ്ങേറി. അക്കൊല്ലം തന്നെ മോഹൻബഗാനിലേക്ക് ചേക്കേറിയ താരം 73ൽ ഈസ്റ്റ് ബംഗാളിലേക്ക് തിരിച്ചുപോയി. മൂന്ന് വർഷത്തിനു ശേഷം വീണ്ടും മോഹൻബഗാനിലെത്തിയ അദ്ദേഹം 78ൽ തിരികെ ഈസ്റ്റ് ബംഗാളിലെത്തി 79ൽ ക്ലബ് കരിയർ അവസാനിപ്പിച്ചു. ഈസ്റ്റ് ബംഗാളിനായി 165 ഗോളും മോഹന്‍ ബഗാന് വേണ്ടി 85 ഗോളുകളും നേടിയിട്ടുണ്ട്. ഇന്ത്യന്‍ കുപ്പായത്തില്‍ 69 കളിയില്‍ നിന്ന് 50 ഗോളും അടിച്ചു.
ഈസ്റ്റ് ബംഗാൾ, മോഹൻ ബഗാൻ, മൊഹമ്മദൻ, സാൽഗോക്കർ തുടങ്ങിയ ക്ലബുകളെ പരിശീലിപ്പിച്ചിട്ടുണ്ട്.
