Thrissur
മുരുകന്‍ കാട്ടാക്കടയ്ക്ക് മലയാറ്റൂര്‍ പുരസ്‌കാരം
കവി മുരുകന്‍ കാട്ടാക്കടയ്ക്ക് മലയാറ്റൂര്‍ പുരസ്‌കാരം. മലയാള ഭാഷയ്ക്ക് മുരുകന്‍ കാട്ടാക്കട നല്‍കിയ സമഗ്ര സംഭാവനയെ മാനിച്ചാണ് പുരസ്‌കാരം. ഉപാസന സാംസ്‌കാരിക വേദിയുടെ പതിനെട്ടാമത് വാര്‍ഷികത്തോടനുബന്ധിച്ചാണ് പുരസ്‌കാര സമര്‍പ്പണം.
കവിതാ രംഗത്ത് ഉഷാ ആനന്ദിന്റെ പെണ്‍കനലിനും, സ്മിതാ ദാസിന്റെ കഥാസമാഹാരം ശംഖുപുഷ്പത്തിനും പുരസ്‌കാരങ്ങള്‍ നല്‍കുന്നു. ഡോ. എം ആര്‍ തമ്പാനും, ഡോ. മിനി നരേന്ദ്രനും, ശ്രീദേവി പ്രസാദുമടങ്ങുന്ന ജൂറിയാണ് അവാര്‍ഡ് ജേതാക്കളെ തെരഞ്ഞെടുത്തത്. പ്രശസ്തിപത്രവും സരസ്വതിയുടെ വെങ്കലത്തില്‍ തീര്‍ത്ത പ്രതിമയും പൊന്നാടയും മെഡലുമാണ് നല്‍കുക.
