കുടുംബശ്രീ അംഗങ്ങൾക്ക് കുറഞ്ഞ പ്രീമിയം നിരക്കിൽ ഇൻഷ്വറൻസ് പരിരക്ഷ, വാർഷിക പ്രീമിയം 174 രൂപ; എം.ബി രാജേഷ്
കുടുംബശ്രീ അംഗങ്ങൾക്ക് കുറഞ്ഞ പ്രീമിയം നിരക്കിൽ ഇൻഷ്വറൻസ് പരിരക്ഷ നൽകുമെന്ന് മന്ത്രി എം.ബി രാജേഷ്. പദ്ധതിയിൽ 11 ലക്ഷത്തിലധികം വനിതകൾ ഇതിനോടകം അംഗങ്ങളായിക്കഴിഞ്ഞു. 18 മുതൽ 74 വയസ് വരെയുള്ള വനിതകൾക്ക് ഇതിൽ അംഗങ്ങളാവാമെന്നും 174 രൂപയാണ് വാർഷിക പ്രീമിയമെന്നും അദ്ദേഹം വ്യക്തമാക്കി.
ബ്രഹ്മപുരം മാലിന്യനീക്കവുമായി ബന്ധപ്പെട്ട് ഉച്ചയ്ക്ക് യോഗം ചേരും. വ്യവസായ മന്ത്രി പി. രാജീവും പങ്കെടുക്കും. മാലിന്യ നീക്കത്തിനു നടപടിയെടുത്തിട്ടുണ്ട്. വസ്തു നികുതി കുറയ്ക്കുമെന്നു ചിലർ ആസൂത്രിതമായി പ്രചരിപ്പിക്കുകയാണ്. ഇത് അഞ്ചു ശതമാനം മാത്രമാണ് വർധിപ്പിച്ചത്. 25 ശതമാനം വർധനവായിരുന്നു ശുപാർശ ചെയ്തിരുന്നത്.
ഏപ്രിൽ 10 നു മുൻപ് അപേക്ഷിച്ചവരിൽ നിന്ന് കൂടിയ നിരക്ക് ഈടാക്കരുതെന്നും മന്ത്രി എം.ബി. രാജേഷ് പറഞ്ഞു. ഇതു സംബന്ധിച്ച നിർദേശം നൽകിയിട്ടുണ്ട്. പുതുക്കിയ ഫീസ് ഈടാക്കിയിട്ടുണ്ടെങ്കിൽ നടപടിയെടുക്കുമെന്നും മന്ത്രി വ്യക്തമാക്കി.
