KSRTCക്ക് തിരിച്ചടി; സ്വകാര്യ ബസുകള്ക്ക് ദീര്ഘദൂര സര്വീസ് നടത്താമെന്ന് ഹൈക്കോടതി
KSRTCക്ക് തിരിച്ചടി; സ്വകാര്യ ബസുകള്ക്ക് ദീര്ഘദൂര സര്വീസ് നടത്താമെന്ന് ഹൈക്കോടതി
കൊച്ചി: സ്വകാര്യ ബസുകള്ക്ക് ദീര്ഘദൂര സര്വീസ് നടത്താമെന്ന് ഹൈക്കോടതി ഉത്തരവ്. 140 കിലോമീറ്റര് ദൂരപരിധിക്ക് അപ്പുറത്തേക്ക് സ്വകാര്യ ബസുകള്ക്ക് പെര്മിറ്റ് പുതുക്കി നല്കേണ്ടതില്ലെന്ന ഗതാഗത വകുപ്പിന്റെ തീരുമാനം ചോദ്യംചെയ്ത് സമര്പ്പിച്ച ഹര്ജികളില് ഡിവിഷന് ബെഞ്ചാണ് ഇടക്കാല ഉത്തരവിട്ടത്.
ദൂരപരിധി ലംഘിച്ച് സര്വീസ് നടത്തുന്നുവെന്ന പരാതിയെത്തുടര്ന്ന് സ്വകാര്യ ബസുകളുടെ ഇരുനൂറോളം റൂട്ടുകള് കെ.എസ്.ആര്.ടി.സി ഏറ്റെടുക്കുകയും ബസ് സര്വീസ് തുടങ്ങുകയും ചെയ്തിരുന്നു. 140 കിലോമീറ്റര് ദൂരപരിധി നേരത്തേ നിശ്ചയിച്ചു നല്കിയിരുന്നതാണ്.
എന്നാല് സ്വകാര്യ ബസുകളില് പലതും ദൂരം കണക്കാക്കാതെ സര്വീസ് നടത്തുന്നതായി പരാതി ഉയര്ന്നിരുന്നു.നിയമവിരുദ്ധ നടപടികള് തുടര്ന്നതിനാല് ബസുകളുടെ പെര്മിറ്റ് പുതുക്കിയിരുന്നില്ല.
ഇത്തരം ബസുകളുടെ വിവരം ആര്ടി ഓഫീസുകളില് നിന്ന് ശേഖരിച്ചതിന് ശേഷം ഈ റൂട്ടുകളില് കെഎസ്ആര്ടിസി സര്വീസ് നടത്തി തുടങ്ങിയത്. 470 സ്വകാര്യ ബസുകള്ക്ക് പെര്മിറ്റുണ്ടായിരുന്ന റൂട്ടുകളില് 241 എണ്ണം കെ.എസ്.ആര്.ടി.സി. ഏറ്റെടുത്തിരുന്നു.