അന്തർജില്ലാ ആഡംബര ഇരുചക്ര വാഹന മോഷ്ടാക്കൾ മലപ്പുറം പോലീസിന്റെ പിടിയിൽ പിടിയിലായവർ കൗമാരക്കാർ:സംഘത്തിൽ 18 തികയാത്തവരും
അന്തർജില്ലാ ആഡംബര ഇരുചക്ര വാഹന മോഷ്ടാക്കൾ മലപ്പുറം പോലീസിന്റെ പിടിയിൽ
പിടിയിലായവർ കൗമാരക്കാർ:സംഘത്തിൽ 18 തികയാത്തവരും
മലപ്പുറം: മലപ്പുറം കോഴിക്കോട്, കേന്ദ്രീകരിച്ച് ആഡംബര ഇരുചക്രവാഹനങ്ങൾ മോഷ്ടിച്ച കേസിൽ അഞ്ചുപേർ പിടിയിലായി
കാവനൂർ ചെരങ്ങകുണ്ട് കൊട്ടിയം പുറത്ത് വീട്ടിൽ മിൻഹാജ് (18), തൃക്കലങ്ങോട് കളങ്ങോടിപ്പറമ്പ് വീട്ടിൽ അഭയ് കൃഷ്ണ (18),തൃപ്പനച്ചി സ്വദേശി കല്ലിവളപ്പിൽ വീട്ടിൽ അഫ് ലാഹ് (18) എന്നിവരും പ്രായപൂർത്തി ആവാത്ത മറ്റു രണ്ടു പേരെയും ആണ് മലപ്പുറം പോലീസ് ഇൻസ്പെക്ടർ ജോബി തോമസിന്റെ നേതൃത്വത്തിലുള്ള പ്രത്യേക അന്വേഷണസംഘം പിടികൂടിയത്.
പ്രതികളിൽ നിന്നും നിരവധി ബുള്ളറ്റ് കളും മറ്റ് ആഡംബര ബൈക്കുകളും പോലീസ് പിടിച്ചെടുത്തു.മോഷണം നടത്തിയതിനുശേഷം വാഹനത്തിന്റെ നമ്പർ പ്ലേറ്റ് മാറ്റി ചെറിയ വിലയ്ക്ക് വിദ്യാർത്ഥികൾക്കും മറ്റും വിൽപ്പന നടത്തുകയാണ് പതിവ്.
മലപ്പുറം വാറങ്കോട് എന്ന സ്ഥലത്ത് നിന്ന് 2022 ഓഗസ്റ്റ് നാലിന് രാത്രി മോഷണം പോയ ബുള്ളറ്റിനെ കുറിച്ച് ശാസ്ത്രീയമായി നടത്തിയ അന്വേഷണത്തിലാണ് വൻ ബൈക്ക് മോഷണസംഘത്തെ പോലീസ് കണ്ടെത്തിയത്.
ജില്ലയില്‍ ബൈക്ക്മോഷണവും മറ്റു സംഭവങ്ങളും റിപ്പോര്‍ട്ടായതിനെ തുടര്‍ന്ന് മലപ്പുറം ജില്ലാപോലീസ് മേധാവി എസ്.സുജിത്ത് ദാസ് ഐപിഎസ് ന്‍റെ നിര്‍ദ്ദേശപ്രകാരം പ്രത്യേക അന്വേഷണസംഘം രൂപീകരിക്കുകയും തുടർന്ന് മലപ്പുറം ഡിവൈഎസ്പി. അബ്ദുൽ ബഷീർ,മലപ്പുറം പോലീസ് ഇൻസ്പെക്ടർ ജോബി തോമസ്, എസ് ഐ മാരായ ആസ്റ്റിൻ ജി ഡെന്നിസൺ,എന്നിവരുടെ നേതൃത്വത്തില്‍ എഎസ്ഐ സിയാദ് കോട്ട, പോലീസ് ഉദ്യോഗസ്ഥരായ സതീഷ്, മുഹമ്മദ്‌ ഹാരിസ്,സുബീഷ്, ദിനു എന്നിവരും പ്രത്യേക അന്വേണസംഘം അംഗങ്ങളായ എസ്ഐ ഗിരീഷ് എം, ഷഹേഷ് ആർ,ദിനേഷ് ഐകെ ,ജസീർ കെകെ,സലീം പി സിറാജ് എന്നിവർ അടങ്ങിയ സംഘമാണ് പ്രതികളെ പിടികൂടി കേസ് അന്വേഷണം നടത്തുന്നത്.
