Thiruvananthapuram
അപമാനിക്കാന് ഉദ്ദേശിച്ചിട്ടില്ല; കെ.കെ രമയ്ക്കെതിരായ പരാമര്ശം പിന്വലിച്ച് എം.എം മണി
കെ.കെ രമ എംഎല്എക്കെതിരായ അധിക്ഷേപ പരാമര്ശം പിന്വലിച്ച് എം.എം മണി. വിധിയെന്ന പരാമര്ശം കമ്യൂണിസ്റ്റുകാരനായ താന് പറയാന് പാടില്ലായിരുന്നുവെന്ന് എം എം മണി പ്രതികരിച്ചു. ചെയറിന്റെ നിരീക്ഷണത്തെ മാനിക്കുന്നു. ഉദ്ദേശശുദ്ധി വ്യക്തമാക്കാന് അപ്പോള് തന്നെ ശ്രമിച്ചതാണെന്നും
പരാമര്ശം പിന്വലിക്കുന്നുവെന്നും എം.എം.മണി വ്യക്തമാക്കി.
‘ആരെയും അപമാനിക്കാന് ഉദ്ദേശിച്ചിട്ടില്ല, ചിന്തിച്ചിട്ടില്ല. അവരുടേതായ വിധി എന്ന് പറഞ്ഞു ഒരു കമ്മ്യൂണിസ്റ്റുകാരനായ ഞാന് അങ്ങനെ പറയാന് പാടില്ലായിരുന്നു. ആ പരാമര്ശം ഒഴിവാക്കേണ്ടതായിരുന്നു.’. അദ്ദേഹം പറഞ്ഞു.