ഡ്യൂറന്‍ഡ് കപ്പ്; ഗോകുലം കേരള ക്വാര്‍ട്ടര്‍ ഫൈനലില്‍ പുറത്തായി
ഡ്യൂറന്‍ഡ് കപ്പ് ഫുട്ബോളില്‍ ഗോകുലം കേരള ക്വാര്‍ട്ടര്‍ ഫൈനലില്‍ പുറത്തായി. ഈസ്റ്റ് ബംഗാളാണ് ഗോകുലം കേരളയെ പരാജയപ്പെടുത്തിയത്. ഒന്നിനെതിരെ രണ്ട് ഗോളിനായിരുന്നു ഈസ്റ്റ് ബംഗാളിന്റെ വിജയം. ഒന്നാം മിനിറ്റില്‍ തന്നെ ഗോകുലം പിന്നിലായിരുന്നു. ജോര്‍ദാന്‍ എല്‍സിയാണ് ഗോകുലത്തെ മുന്നിലെത്തിച്ചത്.
അന്‍പത്തിയേഴാം മിനിറ്റില്‍ ബൗബ അമിനോയുടെ ഗോളിലൂടെയാണ് ഒപ്പമെത്തിയത്. ബൗബയുടെ സെല്‍ഫ് ഗോള്‍ ഈസ്റ്റ് ബംഗാളിന്റെ സെമി ബെര്‍ത്ത് ഉറപ്പാക്കി. ഈസ്റ്റ് ബംഗാള്‍ സെമിയില്‍ ചൊവ്വാഴ്ച നോര്‍ത്ത് ഈസ്റ്റ് യുണൈറ്റഡിനെ നേരിടും. നേരത്തെ കേരള ബ്ലാസ്റ്റേഴ്സിനെ തോല്‍പ്പിക്കാന്‍ ഗോകുലത്തിനായിരുന്നു. മൂന്നിനെതിരെ നാല് ഗോളുകള്‍ക്കായിരുന്നു ബ്ലാസ്റ്റേഴ്സിന്റെ വിജയം.
17ാം മിനിറ്റില്‍ ഗോകുലം താരം ബൗബയാണ് സ്‌കോറിംഗിന് തുടക്കമിട്ടത്. ഇടവേളയ്ക്ക് മുമ്പ് ഗോകുലം 3-1ന് മുന്നിലെത്തി. നാല്‍പ്പത്തിമൂന്നാം മിനിറ്റില്‍ ശ്രീക്കുട്ടനാണ് ഗോകുലം കേരളയുടെ ലീഡ് വീണ്ടെടുത്തത്.ഇഞ്ചുറിടൈമില്‍ അലെക്‌സ് സാഞ്ചസ് ഗോകുലത്തിന്റെ മൂന്നാംഗോള്‍ നേടി.രണ്ടാം പകുതിയുടെ തുടക്കത്തില്‍ അഭിജിത്ത് ഗോകുലത്തിന്റെ ലീഡുയര്‍ത്തി. അന്‍പത്തിനാലാം മിനിറ്റില്‍ കേരള ബ്ലാസ്റ്റേഴ്‌സ് തിരിച്ചടിച്ചു. പ്രബീര്‍ ദാസിലൂടെ കേരള ബ്ലാസ്റ്റേഴ്‌സ് രണ്ടാം ഗോള്‍ നേടി. സമനിലയിലക്കായി ബ്ലാസ്റ്റേഴ്‌സ് പരിശ്രമിച്ചെങ്കിലും ഗോകുലം കേരള ജയം സ്വന്തമാക്കി.
