ഉപതിരഞ്ഞെടുപ്പ് നടക്കുന്ന ആലംകോട് പഞ്ചായത്തിലെ പെരുമുക്കില് വോട്ടെടുപ്പ് പൂര്ത്തിയായി.കാലത്ത് ഏഴ് മണിയോടെയാണ് വോട്ടെടുപ്പ് ആരംഭിച്ചത്.പെരുമുക്ക് ബിടിഎംയുപി സ്കൂളില് 2 ബൂത്തുകളിലായാണ് വോട്ടെടുപ്പ് നടന്നത്.കാലത്ത് മുതല് തന്നെ മികച്ച പോളിങ് ആണ് രേഖപ്പെടുത്തിയത്. 2203 വോട്ടര്മാരില് 1623 പേര് വോട്ട് രേഖപ്പെടുത്തി.71.69 ശതമാനം ആണ് പോളിങ്.സുരക്ഷ കണക്കിലെത്ത് വലിയ പോലീസ് സുരക്ഷയിലാണ് വോട്ടെടുപ്പ് നടന്നത്.ബുധനാഴ്ച കാലത്ത് ആലംകോട് ഗ്രാമപഞ്ചായത്ത് ഓഫീസില് വച്ച് വോട്ടെണ്ണല് നടക്കും
യുഡിഎഫ് മെമ്പറായിരുന്ന ഹക്കിം പെരുമുക്ക് രാജി വെച്ച ഒഴിവിലേക്കാണ് വാര്ഡില് ഉപതിരഞ്ഞെടുപ്പ് നടക്കുന്നത്.യുഡിഎഫ് സ്ഥാനാര്ത്ഥിയായി കോണ്ഗ്രസ്സിലെ അലി പരുവിങ്ങലും എല്ഡിഎഫ് സ്ഥാനാര്ത്ഥിയായി സിപിഎം ലെ അബ്ദുറഹിമാനും ആണ് മത്സരിക്കുന്നത്.എന്ഡിഎ സ്ഥാനാര്ത്ഥിയായി ബിജെപിയുടെ ഷിബു തണ്ടലായിലും എസ്ഡിപിഐ സ്ഥാനാര്ത്ഥിയായി റഷീദ് പെരുമുക്കും ആണ് മത്സര രംഗത്ത് ഉള്ളത്.
