ജനത എ.എൽ.പി.എസ്. ആലങ്കോട് ശാസ്‌ത്രോത്സവത്തിൽ മികച്ച വിജയം

ചങ്ങരംകുളം:എടപ്പാൾ ഉപജില്ലാ ശാസ്‌ത്രോത്സവത്തിൽ ജനത എ.എൽ.പി.എസ്. ആലങ്കോട് മികച്ച വിജയം നേടി.സയൻസ് മേളയിൽ ഒന്നാം സ്ഥാനവും, ഗണിത മേളയിൽ രണ്ടാം സ്ഥാനവും, സാമൂഹ്യ ശാസ്ത്രമേളയിൽ മൂന്നാം സ്ഥാനവും, പ്രവൃത്തി പരിചയ മേളയിൽ അഞ്ചാം സ്ഥാനവും സ്കൂൾ കരസ്ഥമാക്കി.വിവിധ മത്സരങ്ങളിലായി 154 പോയിന്റുകൾ നേടി സ്കൂൾ ഓവറോൾ ചാമ്പ്യൻഷിപ്പിൽ രണ്ടാം സ്ഥാനം സ്വന്തമാക്കി.ചടങ്ങിൽ എടപ്പാൾ എ.ഇ.ഒ. ആശാ ജോസിൽ നിന്നും പ്രധാനാധ്യാപിക എൻ.എസ്. ബീനാമോൾ,കുട്ടികളും അധ്യാപകരും ചേർന്ന് ഓവറോൾ ട്രോഫി ഏറ്റുവാങ്ങി.