മുഹമ്മദ് ബാസിലിനും മറ്റു പ്രതിഭകൾക്കും കോസ്റ്റൽ പോലീസിന്റെ ആദരം

പൊന്നാനി:ഏഷ്യൻ ഗെയിംസിലും കോമൺവെൽത്ത് ഗെയിംസിലും ഇന്ത്യക്കായി മെഡൽ നേടിയ മുഹമ്മദ് ബാസിലിനെ കോസ്റ്റൽ പോലീസ് ആദരിച്ചു. തിരൂർ ഡിവൈ.എസ്.പി എ.എം. സിദ്ദീഖ് ഉപഹാരം നൽകി.പൊന്നാനി മേഖലയിലെ മത്സ്യത്തൊഴിലാളി കുടുംബത്തിൽനിന്ന് ആദ്യമായി ബി.ഡി.എസ് നേടിയ ഡോ. ഫസ്നി,ബാസിലിന്റെ പരിശീലകൻ അനസ് മാസ്റ്റർ, മത്സ്യബന്ധനത്തിനിടെ വള്ളത്തിൽനിന്ന് കടലിൽ വീണ് ഒഴുകിപ്പോയയാളെ രക്ഷപ്പെടുത്തിയ അൽ ജുബൈദ് ബോട്ടിലെ ജീവനക്കാർ, ജില്ലാ ഫുട്ബോൾ ടീമിലേക്ക് സെലക്ഷൻ ലഭിച്ച ഷഹബാസ് എന്നിവരെയും ചടങ്ങിൽ ആദരിച്ചു.തിരൂർ ഡിവൈ.എസ്.പി എ.എം. സിദ്ദീഖ് ഉദ്ഘാടനം ചെയ്ത ചടങ്ങിൽ പൊന്നാനി തഹസിൽദാർ പ്രമോദ് പി. ലാസറസ് അധ്യക്ഷത വഹിച്ചു.ഫിഷറീസ് അസിസ്റ്റന്റ് ഡയറക്ടർ സജീവ് കുമാർ, പൊന്നാനി സബ് ജയിൽ സൂപ്രണ്ട് കൃഷ്ണദാസ്, എസ് എച്ച് ഒ ശശീന്ദ്രൻ മേലയിൽ കടലോര ജാഗ്രതാ സമിതി പ്രതിനിധി കബീർ എന്നിവർ പ്രസംഗിച്ചു.