ചങ്ങരംകുളം: കേരള വ്യാപാരി വ്യവസായി ഏകോപന സമിതി ചങ്ങരംകുളം യൂണിറ്റ് വനിതാവിങ് കൺവെൻഷൻ സംഘടിപ്പിച്ചു. പരിപാടി കെ.വി.വി.ഇ.എസ്. യൂണിറ്റ് പ്രസിഡന്റ് പി.പി. ഖാലിദ് ഉദ്ഘാടനം ചെയ്തു. വനിതാവിങ് പ്രസിഡന്റ് ഷഹന ഐറിസ് ചടങ്ങിൽ അധ്യക്ഷത വഹിച്ചു.വനിതാവിങ് ജില്ലാ വൈസ് പ്രസിഡന്റ് ആരിഫാ മാറഞ്ചേരി മുഖ്യപ്രഭാഷണം നടത്തുകയും 2026-28 വർഷത്തേക്കുള്ള പുതിയ ഭാരവാഹികളുടെ പ്രഖ്യാപനം നിർവഹിക്കുകയും ചെയ്തു.
യൂണിറ്റ് സെക്രട്ടറി ഗീതാ മോഹൻ സ്വാഗതം പറഞ്ഞ യോഗത്തിൽ ട്രഷറർ റെജീന മുസ്തഫ കഴിഞ്ഞ രണ്ടു വർഷത്തെ വരവ്-ചെലവ് കണക്കുകളും റിപ്പോർട്ടും അവതരിപ്പിച്ചു.
കെ.വി.വി.എസ്. യൂണിറ്റ് നേതാക്കളായ ഒ. മൈതുണ്ണി, ഉമ്മർ കുളങ്ങര, ഉസ്മാൻ പന്താവൂർ, വി.കെ.എം. നൗഷാദ് എന്നിവർ സംസാരിച്ചു.
കെ.വി.വി.ഇ.എസ്. യൂണിറ്റ് ഭാരവാഹികളായ കെ.വി. ഇബ്രാഹിംകുട്ടി, സൈതലവി ഹാജി, മുഹമ്മദലി പഞ്ചമി, സുനിൽ ചിന്നൻ, എ.എ. നാസർ, ജബ്ബാർ ആലങ്കോട്, ടി.വി. കബീർ, അബ്ദു അമാൻ, ലിജീഷ് പെരുമുക്ക്, ഷാജി തവയിൽ എന്നിവർ ആശംസകൾ നേർന്നു. സാജിത (എസ്. ഗാർണസ് ഗാർമെന്റ്സ്) നന്ദി രേഖപ്പെടുത്തി.
