മൂക്കുതല: അന്താരാഷ്ട്ര ഗണിത ഒളിമ്പ്യാഡിലേക്കുള്ള ഇന്ത്യൻ ടീമിനെ തെരഞ്ഞെടുക്കുന്നതിനായുള്ള ആദ്യഘട്ട പരീക്ഷയായ ഐ.ഒ.ക്യു.എം (IOQM) പരീക്ഷയിൽ ഉയർന്ന മാർക്കോടെ യോഗ്യത നേടി മൂക്കുതല സ്വദേശിനി ഹിമ വി.എം.ഐ.എസ്.ആർ.ഒ. സംഘടിപ്പിച്ച ‘യുവിക-2026’ ബഹിരാകാശ പഠന ക്യാമ്പിലേക്കും ഹിമ നേരത്തെ തെരഞ്ഞെടുക്കപ്പെട്ടിരുന്നു.
തിരുവനന്തപുരം വിക്രം സാരാഭായ് സ്പേസ് സെന്ററിൽ (VSSC) നടന്ന ക്യാമ്പിലേക്ക് കേരളത്തിൽനിന്ന് തെരഞ്ഞെടുക്കപ്പെട്ട 11 വിദ്യാർഥികളിൽ ഒരാളായിരുന്നു ഹിമ. കൂടാതെ, ഗണിത പരീക്ഷയിൽ ആഗോളതലത്തിൽ മൂന്നാം റാങ്കും സയൻസ് പരീക്ഷയിൽ സംസ്ഥാനതലത്തിൽ രണ്ടാം റാങ്കും നേടി മുൻപും ഈ മിടുക്കി കഴിവ് തെളിയിച്ചിട്ടുണ്ട്.
മൂക്കുതല സ്വദേശികളായ വിരളിപ്പുറത്ത് മൻസൂർ ഖാൻ – ജസ്‌ന ദമ്പതികളുടെ മകളായ ഹിമ, ചങ്ങരംകുളം എസ്.എം. ഇംഗ്ലീഷ് സ്കൂളിലെ പത്താം ക്ലാസ് വിദ്യാർഥിനിയാണ്. എൻ.ഐ.ടി. കാലിക്കറ്റിലെ വിദ്യാർഥിനിയായ നേഹ സഹോദരിയാണ്.
