ചങ്ങരംകുളം:കാഞ്ഞിയൂ൪ തെങ്ങില് റോഡില് പാലം അപകട ഭീഷണിയിലാണെന്നും പൊളിച്ചു പണിയണമെന്നും നാട്ടുകാര്.ഏകദേശം 50വര്ഷം മുമ്പാണ് റോഡിന്റെ നിര്മ്മാണ സമയത്ത് പാലം പണി കഴിച്ചത്.ചങ്ങരംകുളം എരമംഗലം റോഡിനെയും ചങ്ങരംകുളം ചെറവല്ലൂര് റോഡിനെയും ചങ്ങരംകുളം എടപ്പാള് റോഡിനെയും ബന്ധിപ്പിക്കുന്ന പ്രധാന പൈപ്പാസ് റോഡില് നൂറ് കണക്കിന് വാഹനങ്ങളാണ് ദിനം പ്രതിയാത്ര ചെയ്യുന്നത്.റോഡിന്റെ ഇരുവശങ്ങളിലുമുള്ള കൃഷിയിടങ്ങളിലേക്ക് ട്രാക്ടര് ,കൊയ്തു മെതിയന്ത്രങ്ങള് അടക്കമുള്ളവ ഇറക്കുന്നത് പാലത്തിന് സമീപത്ത് കൂടിയാണ്.പാലത്തിന്റെ താഴെ ഭാഗം കോണ്ഗ്രീറ്റ് ദ്രവിച്ച് കമ്പികള് പുറത്ത് കാണുന്ന അവസ്ഥയിലാണെന്നും നാട്ടുകാര് പറഞ്ഞു.റോഡിന്റെ ശോചനീയാവസ്ഥയെ തുടര്ന്ന് റോഡ് പുനര്നിര്മ്മാണ പ്രവൃത്തികള്ക്ക് ഫണ്ട് അനുവദിച്ച് പ്രവൃത്തികള്ക്ക് തുടക്കം കുറിച്ചിട്ടുണ്ട്.റോഡിന്റെ നിര്മ്മാണ പ്രവൃത്തിക്കൊപ്പം പാലവും വീതി കൂട്ടി പൊളിച്ച് നിര്മ്മിക്കണമെന്നാണ് നാട്ടുകാരുടെ ആവശ്യം










