എടപ്പാൾ റെയ്ഞ്ച് ജംഇയ്യത്തുൽ മുഅല്ലിമീൻ,സമസ്ത കേരള സുന്നി ബാലവേദി എന്നിവയുടെ സംയുക്താഭിമുഖ്യത്തിൽ പഠന ക്യാമ്പും മുസാബഖ കലാ മത്സരം അനുമോദനവും പൊതുപരീക്ഷ അവാർഡ് ദാനവും എടപ്പാൾ മൻശഉൽ ഇസ്ലാം മദ്റസയിൽ വെച്ച് നടന്നു.റെയ്ഞ്ച് പ്രസിഡണ്ട് കമറുദ്ദീൻ ഫൈസി അധ്യക്ഷനായി. റെയ്ഞ്ച് ജോയിൻ സെക്രട്ടറി സയ്യിദ് ഹനീഫ് തങ്ങൾ പ്രാർത്ഥനക്ക് നേതൃത്വം നൽകി. എടപ്പാൾ ചുങ്കം മഹല്ല് പ്രസിഡണ്ട് നാസർ ഉദ്ഘാടനം ചെയ്തു. ചുങ്കം മദ്റസ സെക്രട്ടറി ശറഫു ഹാജി, വെങ്ങിനിക്കര മദ്റസ സെക്രട്ടറി കാദിർബാഷ, റെയ്ഞ്ച് ജനറൽ സെക്രട്ടറി അബ്ദുറസാഖ് മൗലവി, ജോയിൻ്റ സെക്രട്ടറി സൈനുദ്ദീൻ ഇർശാദി എന്നിവർ സംസാരിച്ചു. വിദ്യാർത്തികൾക്കുള്ള മോട്ടിവേഷൻ ക്ലാസ് ഷമീറുദ്ധീൻ ദാരിമി ചേറൂർ നിർവഹിച്ചു. കഴിഞ്ഞ വർഷം ജനറൽ & സ്കൂൾ മദ്റസ പൊതു പരീക്ഷ 5, 7, 10, 12 ക്ലാസുകളിൽ റെയ്ഞ്ചിൽ നിന്നും ഏറ്റവും കൂടുതൽ മാർക്ക് നേടിയ വിദ്യാർത്ഥികൾക്കുള്ള ഉപഹാരവും സ്മരണ അവാർഡും അവരെ ഉന്നതിയിൽ എത്തിക്കാൻ പ്രയത്നിച്ച അധ്യാപകർക്കുള്ള റെയ്ഞ്ച് വക ക്യാഷ് അവാർഡും ഹൈദരലി ഹാജി, കരിമ്പനക്കൽ ജഅ്ഫർ, ചുങ്കം മഹല്ല് ട്രഷറർ മുഹമ്മദുട്ടി എന്നിവർ വിതരണം ചെയ്തു. മുസാബഖ കലാ മത്സരത്തിൽ ജില്ലാ തലത്തിലേക്ക് തെരഞ്ഞെടുക്കപ്പെട്ട മത്സരാർത്ഥികൾക്കുള്ള ഉപഹാരം പരീക്ഷ ബോർഡ് ചെയർമാൻ അബൂബക്കർ ബാഖവി, ചുങ്കം മദ്റസ പ്രസിഡണ്ട് മുഹമ്മദുണ്ണി എന്നിവർ വിതരണം ചെയ്തു. റെയ്ഞ്ച് മദ്റസ മാനേജ്മെൻ്റ സെക്രട്ടറി ഫിറോസ്ഖാൻ അണ്ണക്കമ്പാട്, റെയ്ഞ്ച് വൈസ് പ്രസിഡൻ്റ് മുഹമ്മദ് മുസ്ലിയാർ, എസ് ബി വി ചെയർമാൻ ശാക്കിർ ഫൈസി, കൺവീനർ സുഹൈൽ ഫൈസി, സിയാദ് ഹുദവി, ചുങ്കം മദ്റസ സദർ മുസ്തഫ മൗലവി, മുഹമ്മദലി സഖാഫി കോട്ടീരി, ഫൈസൽ അസ്ഹരി തറക്കൽ എന്നിവർ പങ്കെടുത്തു.







