മൊത്ത വിതരണ വ്യാപാരികൾ തകർച്ച നേരിടുന്നു’എ.കെ.ഡി.എ ജില്ലാ പ്രതിനിധി സമ്മേളനം

പൊന്നാനി: ഓൾ കേരള ഡിസ്ട്രി ബ്യൂട്ടേഴ്സ് അസോസിയേഷൻ മലപ്പുറം ജില്ല പ്രതിനിധി സമ്മേളനം പി.ഡബ്ല്യു.ഡി റസ്റ്റ് ഹൗസിൽ മുൻസിപ്പൽ പ്രതിപക്ഷ നേതാവും ഡി.സി.സി ജനറൽ സെക്രട്ടറിയുമായ ടി.കെ. അഷറഫ് ഉദ്ഘാടനം ചെയതു.മൊത്ത വിതരണക്കാരെ തകർക്കുന്ന നയമാണ് കോർപ്പറേറ്റുകളും, കുത്തക കമ്പനികളും വെച്ച് പുലർത്തുന്നതെന്ന് യോഗം ഉദ്ഘാടനം ചെയ്ത് ടി.കെ.അഷറഫ് പറഞ്ഞു.കോർപ്പറേറ്റുകളുടെ ചൂഷണ മനോഭാവവും,ഉൽപ്പാദകർ കുത്തകകൾക്ക് നേരിട്ടു നൽകുന്ന നയവും, രാജ്യത്തെ എല്ലാ വിപണന നയവും കാറ്റിൽ പറത്തുന്ന ഓൺലൈൻ കച്ചവടവും ആണ് ഇന്ന് മൊത്ത വിതരണക്കാർ നേരിടുന്ന പ്രതിസന്ധിയെന്നും അദ്ദേഹം പറഞ്ഞു.കേന്ദ്ര സംസ്ഥാന സർക്കാറുകൾ വ്യാപാര രംഗത്ത് പുതിയ നയ രൂപീകരണം നടത്തണമെന്നും ടി.കെ. അഷറഫ് പറഞ്ഞു.ചടങ്ങിൽ എകെഡിഎ ജില്ലാ പ്രസിഡണ്ട് അബു അന്നങ്ങാടൻ അധ്യക്ഷത വഹിച്ചു.എകെഡിഎ സംസ്ഥാന ജനറൽ സെക്രട്ടറി എം.കെ.അനിൽകുമാർ മുഖ്യപ്രഭാഷണം നടത്തി.വിതരണ വ്യാപാരികൾ ഇന്ന് നേരിടുന്ന പ്രതിസന്ധികളേയും, കുത്തക കമ്പനികൾ നടപ്പാക്കാൻ ശ്രമിക്കുന്ന നിർബന്ധിത സോഫ്റ്റ്‌വെയർ വൽക്കരണത്തേയും മറികടക്കാൻ വിതരണ വ്യാപാരികളും സംഘടനയും ഒറ്റകെട്ടായി നിലയുറപ്പിക്കുമെന്ന് സംസ്ഥാന ജനറൽ സെക്രട്ടറി എം.കെ. അനിൽകുമാർ പ്രഖ്യാപിച്ചു.ജില്ലാ ജനറൽ സെക്രട്ടറി റഷീദ് തയ്യിൽ,സംസ്ഥാന കൗൺസിൽ അംഗം നഹാസ്, രാജീവ്‌ മേനോൻ,സി.വി.മുഹമ്മദ് അഷ്റഫ്, ആഷിക്ക് അബ്ദുൾ അസീസ്, സാജിദ് റഹ്മാൻ, കൃഷ്ണരാജ്,ഹാഷിൽ തുടങ്ങിയവർ സംസാരിച്ചു.യൂണിറ്റ് പ്രസിഡണ്ടും ജില്ലാ സെക്രട്ടറിയുമായ ഷാഹുൽ ഹമീദ് സ്വാഗതവും, ജില്ലാ ട്രഷറർ മാനു നന്ദിയും പറഞ്ഞു