എസ്എസ്എഫ് അംഗത്വകാല പ്രവർത്തനങ്ങളുടെ ഭാഗമായി സംഘടിപ്പിച്ച സെക്ടർ കൗൺസിൽ സമാപിച്ചു

എടപ്പാൾ :ജീവിതമാവുക എന്ന പ്രമേയത്തിൽ എസ്എസ്എഫ് അംഗത്വകാല പ്രവർത്തനങ്ങളുടെ ഭാഗമായി സംഘടിപ്പിച്ച എടപ്പാൾ സെക്ടർ സ്റ്റുഡൻസ് കൗൺസിൽ സമാപിച്ചു.കേരള മുസ്ലിം ജമാഅത്ത് എടപ്പാൾ സോൺ പ്രസിഡൻറ് ജലീൽ അഹ്സനി കാളാച്ചാൽ ഉദ്ഘാടനം ചെയ്തു.എടപ്പാൾ സെക്ടർ ജനറൽ സെക്രട്ടറി അൻഷാദ് കോലൊളമ്പ് സ്വാഗതം പറയുകയും സെക്ടർ പ്രസിഡൻ്റ് അയ്യൂബ് സഖാഫി അധ്യക്ഷത വഹിക്കുകയും ചെയ്തു.എസ്എസ്എഫ് മലപ്പുറം വെസ്റ്റ് ജില്ലാ പ്രസിഡണ്ട് ജാഫർ ഷാമിൽ ഇർഫാനി വിഷയാവതരണം നടത്തി. പ്രാസ്ഥാനിക നേതാക്കളായ സിദ്ദീഖ് മൗലവി അയിലക്കാട്,മുസ്തഫ ശുകപുരം എസ് എസ് എഫ് എടപ്പാൾ ഡിവിഷൻ പ്രസിഡന്റ്‌ ഹയ്യ് അഹ്സനി മാണൂർ ജനറൽ സെക്രട്ടറി ഉവൈസ് തണ്ടിലം എന്നിവർ സംസാരിച്ചു.സെക്ടർ ജനറൽ സെക്രട്ടറി അൻഷാദ് കോലൊളമ്പ് ജനറൽ റിപ്പോർട്ടും ഫിനാൻസ് സെക്രട്ടറി അനസ് കോലൊളമ്പ് ഫിനാൻസ് റിപ്പോർട്ടും തുടർന്ന് അതത് സമിതികളുടെ സെക്രട്ടറിമാർ സമിതി റിപ്പോർട്ടുകളും അവതരിപ്പിച്ചു.എസ്.എസ്.എഫ് എടപ്പാൾ ഡിവിഷൻ സെക്രട്ടറി അനസ് നന്നംമുക്ക് 2027-28 കാലയളവിലേക്കുള്ള പുതിയ ഭാരവാഹികളെ പ്രഖ്യാപിച്ചു.പ്രസിഡൻ്റായി അയ്യൂബ് സഖാഫി എടപ്പാൾ ജനറൽ സെക്രട്ടറി അനസ് കോലൊളമ്പ് എക്സിക്യൂട്ടീവ് സെക്രട്ടറി മുഹമ്മദ് അദീബ് നടുവട്ടം എന്നിവരെ തിരഞ്ഞെടുത്തു.സെക്രട്ടറിമാരായി ഷമീം കോലത്ത്,അനസ് പി.വി,സിറാജുദ്ദീൻ സഖാഫി അയിലക്കാട്, ഷാക്കിർ കോലത്ത്, ആഖിബ് നടുവട്ടം,മുഹമ്മദ് ജദീർ അയിലക്കാട് എന്നിവരെയും സെക്രട്ടറിയേറ്റ് അംഗമായി സിനാൻ കോലത്തെയും തിരഞ്ഞെടുത്തു.നിയുക്ത ജനറൽ സെക്രട്ടറി അനസ് കോലൊളമ്പ് നന്ദി പറഞ്ഞു.