ചങ്ങരംകുളം ചേലക്കടവില് മീന് പിടിക്കാന് പോയ പത്താം ക്ളാസ് വിദ്യാര്ത്ഥി മുങ്ങി മരിച്ചു.മൂക്കുതല ചേലക്കടവ് താമസിക്കുന്ന പടിഞ്ഞാറവളപ്പില് മുഹമ്മദിന്റെ മകന് മുര്ഷിദ്(14)ആണ് മരിച്ചത്.വീടിന് സമീപത്ത് കായലില് മീന്പിടിക്കാന് വലയിട്ടിരുന്നു.കാലത്ത് ഏഴരയോടെ മീന് കുടുങ്ങിയിട്ടുണ്ടോ എന്ന് അറിയാന് പോയതായിരുന്നു.കാണാതെ വന്നതോടെ നാട്ടുകാര് നടത്തിയ തിരച്ചിലിലില് ആണ് മുര്ഷിദിനെ കായലില് മരിച്ച നിലയില് കണ്ടത്.
ഉടനെ ചങ്ങരംകുളത്ത് സ്വകാര്യ ആശുപത്രിയില് എത്തിച്ചെങ്കിലും മരണം സംഭവിച്ചിരുന്നു.മോര്ച്ചറിയില് സൂക്ഷിച്ച മൃതദേഹം നടപടിക്രമങ്ങള് പൂര്ത്തിയാക്കി പോസ്ററുമോര്ട്ടത്തിന് ശേഷം ബന്ധുക്കള്ക്ക് വിട്ട് നല്കും.മുക്കുതല ഗവൺമെന്റ് ഹൈസ്കൂൾ പത്താം ക്ലാസ് വിദ്യാര്ത്ഥിയാണ്.മാതാവ് മൈമൂന.സഹോദരങ്ങള് മുനീര്,മുഹ് സിന്
