ചങ്ങരംകുളം ആലംകോട് നിയന്ത്രണം വിട്ട സ്കൂട്ടര്‍ ഓടയിലേക്ക് മറിഞ്ഞ് 2 പേര്‍ക്ക് ഗുരുതര പരിക്ക്

ചങ്ങരംകുളം:ആലംകോട് നിയന്ത്രണം വിട്ട സ്കൂട്ടര്‍ ഓടയിലേക്ക് മറിഞ്ഞ് 2 പേര്‍ക്ക് ഗുരുതര പരിക്കേറ്റു.ആലംകോട്സ്വദേശികളായ രഞ്ജിത്ത്(39)സുരേഷ്(40) എന്നിവര്‍ക്കാണ് പരിക്കേറ്റത്‌.പരിക്കേറ്റവരെ ചങ്ങരംകുളം സണ്‍റൈസ് ആശുപത്രിയിലും പിന്നീട് കുന്നംകുളത്ത് സ്വകാര്യ ആശുപത്രിയിലും പ്രവേശിപ്പിച്ചു.വ്യാഴാഴ്ച വൈകിയിട്ട് അഞ്ചരമണിയോടെ ആലംകോട് മാമാണിപ്പടിയിലാണ് സംഭവം.യുവാക്കള്‍ സഞ്ചരിച്ച സ്കൂട്ടര്‍ നിയന്ത്രണം വിട്ട് റോഡരികിലെ ഓടയിലേക്ക് വീഴുകയായിരുന്നു.അപകടത്തില്‍ തെറിച്ച് വീണ ഇരുവരെയും നാട്ടുകാരാണ് ആശുപത്രിയില്‍ എത്തിച്ചത്.