പൊന്നാനി ഈഴുവത്തിരുത്തിയിൽ യുഡിഎഫ് സ്ഥാനാർത്ഥിയുടെ ബോർഡുകളും പോസ്റ്ററുകളും നശിപ്പിച്ചു.

പൊന്നാനി:യുഡിഎഫ് സ്ഥാനാര്‍ത്ഥിയുടെ പ്രചരണ ബോര്‍ഡുകളും പോസ്റ്ററുകളും നശിപ്പിച്ചെന്ന് പരാതി.ഈഴുവത്തിരുത്തി ഗവ: ഐടിഐക്ക് സമീപം സ്വകാര്യ വ്യക്തിയുടെ സ്ഥലത്ത് സ്ഥാപിച്ചിരുന്ന യുഡിഎഫ് സ്ഥാനാർത്ഥി കെ പി നൗഷാദലിയുടെ ഫ്ലക്സ് ബോർഡും, പോസ്റ്ററുകളുമാണ് നശിപ്പിച്ചത്. പുലർച്ചെ ഒരുമണിയോടെ പോസ്റ്ററുകള്‍ നശിപ്പിക്കുന്നതിന്റെ സിസിടിവി ദൃശ്യങ്ങളും ലഭിച്ചിട്ടുണ്ട്.സംഭവത്തില്‍ പൊന്നാനി ബ്ലോക്ക് കോൺഗ്രസ് വൈസ് പ്രസിഡണ്ട് പവിത്രകുമാർ നൽകിയ പരാതിയില്‍ പോലീസ് നടത്തിയ അന്വേഷണത്തിലാണ് സിസിടിവി ദൃശ്യം ലഭിച്ചത്.പുലർച്ചെ ഒരു മണിയോടെ പോസ്റ്ററുകൾ നശിപ്പിക്കുന്ന ദൃശ്യമാണ് പോലീസിന് ലഭിച്ചത്.സംഘർഷാവസ്ഥ സൃഷ്ടിക്കുന്നതിന് വേണ്ടി സാമൂഹ്യദ്രോഹികൾ നടത്തുന്ന ഇത്തരം പ്രവർത്തികൾക്കെതിരെ കർശന നടപടി സ്വീകരിക്കണമെന്ന് ഈഴുവത്തിരുത്തി മണ്ഡലം യുഡിഎഫ് കമ്മിറ്റി ആവശ്യപ്പെട്ടു.