കോക്കൂർ ശ്രീ മഹാവിഷ്ണു ക്ഷേത്രത്തിൽ പൂരാഘോഷം നാളെ നടക്കും

ചങ്ങരംകുളം: കോക്കൂർ ശ്രീ മഹാവിഷ്ണു ക്ഷേത്രഉത്സവം ഫെബ്രുവരി 20-ാം തീയതി (1201 കുംഭം 08) വെള്ളിയാഴ്ച നടക്കും. പ്രദേശത്തെ ഭക്തജനങ്ങളുടെ ആത്മീയ ഉത്സാഹം നിറക്കുന്ന പ്രധാന ഉത്സവമായ പൂരാഘോഷത്തിനായി ക്ഷേത്രത്തിൽ വിപുലമായ ഒരുക്കങ്ങൾ പൂർത്തിയായി.ഉത്സവദിവസമായ വെള്ളിയാഴ്ച പുലർച്ചെ 5 മണിക്ക് നിർമ്മാല്യദർശനത്തോടെ പൂജാദി കർമ്മങ്ങൾക്ക് തുടക്കമാകും. തുടർന്ന് ഗണപതിഹോമം ഉൾപ്പെടെയുള്ള വിവിധ വഴിപാടുകളും വിശേഷ പൂജകളും നടക്കും.രാവിലെ 10.30-ന് പതിവുപോലെ പറവെപ്പ് ചടങ്ങ് ഭക്തിപൂർവ്വം നടത്തപ്പെടും. ഉത്സവത്തിന്റെ ഭാഗമായി നാദസ്വരം, ചെണ്ടമേളം എന്നിവയോടുകൂടിയ ആഘോഷപരിപാടികളും, വൈകുന്നേരത്തോടെ ദീപാരാധനയും വിശേഷ സേവകളും ഉണ്ടാകും.പ്രദേശത്തെ ഭക്തജനങ്ങളും സമീപ പ്രദേശങ്ങളിൽ നിന്നുമുള്ള വിശ്വാസികളും വലിയ തോതിൽ പങ്കെടുക്കുമെന്ന് ക്ഷേത്ര ദേവസ്വം അധികൃതർ അറിയിച്ചു.