മലപ്പുറത്ത് സ്കൂട്ട‍റിൽ സഞ്ചരിക്കുകയായിരുന്ന അമ്മയ്ക്കും മകൾക്കും വെട്ടേറ്റു,​ ആക്രമിച്ചത് ബൈക്കിലെത്തിയ ആൾ

മലപ്പുറം: മലപ്പുറം തലപ്പാറയിൽ സ്കൂട്ട‍ർ യാത്രികരായ അമ്മയ്ക്കും മകൾക്കും വെട്ടേറ്റു. മുന്നിയൂർ പാലക്കൽ സ്വദേശി സുമി (40)​,​ മകൾ ഷബ ഫാത്തിമ (17)​ എന്നിവർക്കാണ് വെട്ടേറ്റത്. ബൈക്കിലെത്തിയ ആൾ ഇവരെ ആക്രമിക്കുകയായിരുന്നു എന്നാണ് വിവരം. പരിക്കേറ്റ ഇരുവരെയും തിരൂരങ്ങാടി താലൂക്ക് ആശുപത്രിയിൽ പ്രവേശിപ്പിച്ചു. എന്നാൽ ഇവരുടെ പരിക്ക് ഗുരുതരമല്ലെന്നാണ് പൊലീസ് നൽകുന്ന വിവരം.പാലക്കലിൽ നിന്ന് മുമ്പ് ഇവർ താമസിച്ചിരുന്ന കൂരിയാട്ടെ മരണ വീട്ടിലേക്ക് പോകുമ്പോൾ ഓവർടേക്ക് ചെയ്തെത്തിയ ബൈക്ക് യാത്രക്കാരനാണ് ഇവരെ വെട്ടിയത്. രണ്ടുപേരുടെയും വലതു കൈയ്ക്കാണ് വെട്ടേറ്റത്. സംഭവത്തിൽ തിരൂരങ്ങാടി പൊലീസ് അന്വേഷണം ആരംഭിച്ചു.