വളയംകുളം പരസ്പരം യുഎഇ ചാപ്റ്ററിന്റെ മെഗാ ഇവന്റ്‌ ദുബായ്‌ ഡോം ഇന്റോർ സ്റ്റേഡിയത്തിൽ നടന്നു

ചങ്ങരംകുളം:വളയംകുളം പരസ്പരം യുഎഇ ചാപ്റ്ററിന്റെ സീസൺ 9 മെഗാ ഇവന്റ്‌ ദുബായ്‌ ഡോം ഇന്റോർ സ്റ്റേഡിയത്തിൽ നടന്നു.മുൻ ഡപ്യൂട്ടി കളക്ടർ പി.പി. അഷ്‌റഫ്‌, ഖദീജ അഷ്‌റഫ്‌ എന്നിവർ മുഖ്യ അഥിതികളായ പ്രോഗ്രാമിൽ ചെയർമാൻ എംകെ നസീർ വളയംകുളം അധ്യക്ഷത വഹിച്ചു.കെഎംസിസി ദുബായ് സംസ്ഥാന സെക്രട്ടറി പിവി നാസര്‍ ,പിവി ഹമീദ്‌,പി ലിതീഷ്‌, കെവി റൗളത്ത്‌ സാബിത്ത്‌,കെഎം മൈമൂന നസീർ,പിപി റസിയ ഷാഹിദ്‌ എന്നിവർ ആശംസകൾ നേർന്ന് സംസാരിച്ചു.മുഖ്യ അതിഥികൾക്കുള്ള സ്നേഹ ഉപഹാരം ചെയർമാൻ കൈമാറി.തുടർന്ന് വടംവലി മത്സരം,കുട്ടികൾക്കും സ്ത്രീകൾക്കും ദമ്പതികൾക്കും വ്യത്യസ്തമായ മത്സരങ്ങൾ എന്നിവ ഉണ്ടായിരുന്നു.ഫുട്ബോൾ ടൂർണ്ണമെന്റിൽ വെട്രൻസ്‌ ടീം വിന്നേഴ്സും ബ്ലാസ്റ്റേഴ്സ്‌ റണ്ണേഴ്സ്‌ ട്രോഫിയും കരസ്ഥാമാക്കി.പിപിഷംനാസ്‌,ടിഎം ജാബിർ, സിവി ഷഹ്സാദ്‌,പികെ അനീഷ്‌ ബക്കർ,കെവി അലി,സിവി യൂസഫ്‌,കെവി അബൂബക്കർ,കെകെ മുഹമ്മദ്‌ റാസൽ ഖൈമ,പികെ അലി,ഫൈസൽ കളായിൽ എന്നിവർ പരിപാടികൾ നിയന്ത്രിച്ചു.