എടപ്പാൾ:പെരുമുക്ക്–കാഞ്ഞിയൂർ–തരിയത്ത് റോഡ് നിർമ്മാണം പുനരാരംഭിക്കണമെന്നും ജനങ്ങളുടെ യാത്രാദുരിതത്തിന് പരിഹാരം കാണണമെന്നും ആവശ്യപ്പെട്ട് സിപിഐഎം നന്നംമുക്ക്, ആലംകോട് ലോക്കൽ കമ്മിറ്റികളുടെ നേതൃത്വത്തിൽ ജനകീയ പ്രക്ഷോഭം ആരംഭിച്ചു.
കാഞ്ഞിയൂർ സെന്ററിൽ നടന്ന സമരം സിപിഐഎം എടപ്പാൾ ഏരിയ സെക്രട്ടറി സത്യൻ ഉദ്ഘാടനം ചെയ്തു. വി.വി. ഇബ്രാഹിം സ്വാഗതം പറഞ്ഞു. പി. വിജയൻ, വി.വി. കുഞ്ഞുമുഹമ്മദ്, കരുണാകരൻ എന്നിവർ സംസാരിച്ചു. കാഞ്ഞിയൂർ സെന്ററിൽ നിന്ന് ആരംഭിച്ച പ്രതിഷേധ മാർച്ച് പെരുമുക്ക് സെന്ററിൽ സമാപിച്ചു. സിപിഐഎം പ്രവർത്തകരും വർഗബഹുജന സംഘടനാ പ്രവർത്തകരും മാർച്ചിൽ പങ്കെടുത്തു.
